“Qarabağ”ı böyük məyusluq gözləyir” – “Ferentsvaroş”un futbolçusu dilini dinc saxlamadı
“Acınacaqlı qollar buraxdıq. Ancaq müdafiə xəttimizin göründüyü qədər etibarlı olmadığını düşünmürəm. Oyunun taleyini kiçik detallar həll etdi” – bu sözləri “Ferentsvaroş”un qapıçısı Deneş Dibus deyib.
“Football-plus.az” xəbər verir ki, qapıçı ev oyununda yaşananlar və səfər matçı ilə bağlı fikirlərini yerli jurnalistlərlə bölüşüb:
“Birinci hissədə bərabərsəviyyəli performans göstərdik. Hesabı açandan sonra hər şey yolunda idi. Rəqibin ilk iki qolundan sonra isə toparlana bilmədik. Üçüncü qolu buraxmasaq, daha yaxşı olardı. Artıq favorit biz deyilik. Lakin qarşıda hələ daha bir 90 dəqiqə var. İki qol vursaq, şanslar bərabərləşəcək. Çətin olacaq. Çünki bu oyunda əleyhimizə olan hər şey lehimizə çevrilməlidi. Bacaracağıq. Özümüzə güvənirik. Elə “Qarabağ” da güvənir. Onlara məhz özlərinə güvənmələrini arzulayıram. “Qarabağ”ı böyük məyusluq gözləyir”.
KƏNAN BAHADIR
Digər xəbərlər
