Misli premyer-liqasında ilk turun həyəcanı davam edir. Düzdü, mövsümün ilk üç matçı komandaların hazırlıq səviyyəsinin aşağı olması üzündən ciddi intriqalarla yadda qalmadı.

"Football-plus.az" xəbər verir ki, təxirə salınan “Sabah” – “Qarabağ” matçının yeni tarixi bilinməsə də, “Zirə” – “Araz-Naxçıvan” oyununa bu gün şahidlik edəcəyik.

Həmçinin avqustun 22-də 2-ci tura start veriləcək. Cümə günü keçiriləcək iki matçda “İmişli” “Neftçi”ni, “Qarabağ” “Sumqayıt”ı qəbul edəcək.

Misli premyer-liqası
1-ci dövrə, 1-ci tur
19 avqust
Zirə - Araz-Naxçıvan 1:1
İssa Cibrila, 45+1 - Bəxtiyar Həsənalızadə, 65
“Zirə”nin bu rəqiblə ev oyunlarının balansı: 4:+1=1-2, 1:2.
Cəzalı: yoxdu.
“Futbol+”in proqnozu: 30-30-40.
Hakimlər: RƏVAN HƏMZƏZADƏ, Cəmil Quliyev, Kərim Zeynalov, Elvin Bayramov.
VAR hakimi: Nicat İsmayıllı.
VAR hakiminin köməkçisi: Asiman Əzizli.
Hakim-inspektor: Ömər Paşayev.
AFFA nümayəndəsi: Seymur Səlimli.
Zirə, İdman Kompleksinin stadionu. Saat 20.00.

22 avqust
2-ci tur
İmişli – Neftçi 0:0
“İmişli” bu rəqiblə ilk dəfə qarşılaşacaq.
Cəzalı: yoxdu.
“Futbol+”in proqnozu: 20-30-50.
Şamaxı, şəhər stadionu. Saat 17.00.

Qarabağ – Sumqayıt 0:1
Ronaldo Vaskez, 72
“Qarabağ”ın bu rəqiblə ev oyunlarının balansı: 26:+23=1-2, 70:12.
2011/12 – 1:2; 2012/13 – 3:0; 2013/14 – 5:1, 3:0; 2014/15 – 2:0, 1:0; 2015/16 – 2:2, 1:0; 2016/17 – 3:0, 2:1; 2017/18 – 4:1, 2:0; 2018/19 – 1:0, 2:0; 2019/20 – 2:0, 1:0; 2020/21 – 6:1, 4:1; 2021/22 – 2:0, 5:0; 2022/23 – 3:1 1:2; 2023/24 – 5:0, 2:0; 2024/25 – 5:0, 2:0.
Cəzalı: yoxdu.
“Futbol+”in proqnozu: 50-30-20.
Bakı, “Azərsun Arena”. Saat 19.30.

“Qarabağ” “Ferentsvaroş”la cavab oyunundan əvvəl “Sumqayıt”a qarşı meydana çıxmalı olacaq. Təbii ki, bu matçda “köhlən atlar”ın fiziki və psixoloji durumu Budapeştdə keçiriləcək oyunda baş verəcək hadisələr və qeydə alınacaq nəticədən asılıdı. Bununla belə, Ağdam təmsilçisinin “Sumqayıt”ın üzərində böyük üstünlüyü var. Yuxarıdakı rəqəmlər öz yerində, “köhlən atlar” səfər matçlarında belə “gənclik şəhəri”nin təmsilçisindən daha güclü olduğunu sübut edib. İndi “kimyaçılar” yeni baş məşqçisi Saşa İliçlə bu tilsimi qırmağa çalışacaq. Komandanın bunu üçün əsasları da var. İlk turda “Kəpəz”i darmadağın edən “Sumqayıt” iddialı və yorğun rəqibdən azı bir xal qoparmaqla uğurlu startı davam etdirmək niyyətindədi.

Komandalar indiyə qədər 51 dəfə qarşılaşıb. Bunların 39-da “köhlən atlar”, 7-də “kimyaçılar” qələbə qazanıb, 5-də qalib müəyyənləşməyib. Topların nisbətində “Qarabağ”ın əzici üstünlüyü var – 126-23.

KƏNAN BAHADIR