Şarl Boli zədələnmədən meydanı tərk edib?
“Araz-Naxçıvan” - “Omoniya” oyununun 25-ci dəqiqəsində qəfil meydanı tərk edən Şarli Boli doğrudanmı zədələnmişdi?
Epizoda baxanda həkimin gəldiyi görünmür, birdən-birə futbolçu adi epizodda yerə yıxılaraq öz istəyi ilə əvəzlənir. Əvvəldən zədəli idi, yoxsa meydanda zədələndi? Zədələndisə, tibbi yardım almaq əvəzinə niyə paltardəyişmə otağına qaçdı? Bəlkə təbii ehtiyaclarını ödəmək istəyirmiş?
Klubun mətbuat katibi Mahal Məmmədov “Football-plus.az”a belə cavab verdi:
“Elə zədə olur ki, futbolçu oynaya bilməyəcəyini anlayır. Əvvəldən zədəsi yox idi. Saat 6-da MRT-dən keçəcək, hər şey bəlli olacaq. Həkimdən soruşdum, dedi ki, ciddi zədə deyil. Bazar ertəsi komanda ilə məşqlərə qoşulub Kiprə yollana biləcək”.
MÜZƏFFƏR QULUZADƏ
Digər xəbərlər
