ÇL-in finalında sarsıdıcı zərbə alan “İnter”in Kristian Kivunun başçılığı altında debüt oyunu o qədər də uğurlu alınmadı.

"Football-plus.az" xəbər verir ki, Milan nəhəngi favorit sayıldığı qarşılaşmada ümidləri doğrulda bilmədi. İlk yarının ortalarında Serxio Ramos səhnəyə çıxdı. Standart zərbələr zamanı hücumlara qoşulmağı xoşlayan təcrübəli müdafiəçi sevdiyi tərzdə - künc zərbəsindən sonra başla fərqlənərək “Monterrey”i hesabda önə keçirdi.

Maraqlıdı ki, Ramos karyerasında “İnter”ə qarşı keçirdiyi hər iki oyunda qol sevinci yaşayıb. 39 yaşlı futbolçu 2020-ci ildə “Real”ın heyətində də milanlıları məyus etmişdi. Düzdü, ÇL-in son finalçısı hələ fasiləyə qədər bərabərlik qolunu vura bildi. Lautaro Martines boş qapı önündə özünü itirmədi. Düşünmək olardı ki, “İnter” 2-ci hissədə təzyiqi artıraraq rəqibin müqavimətini qıracaq. Amma belə olmadı.

Ümumiyyətlə, oyun o qədər də baxımlı alınmadı. ”İnter” “çərçivə”yə 2, “Paçuka” isə cəmi 1 zərbə vura bildi. Beləliklə, “neradzurra”da yeni dönəm bərabərliklə başladı.

Asiya Çempionlar Liqasının üçqat qalibi “Urava Red Daymonds” isə “River Pleyt”lə başabaş mübarizə apara bilmədi. Argentina nəhəngi hər hissənin əvvəlində bir qol vurmaqla 2:0-lıq üstünlük yaxaladı.

Yaponiyalılar sonradan qollardan birinin əvəzini çıxsalar da, onların bundan artığına gücü çatmadı. “River” iki topluq fərqi bərpa edərək inamlı qələbə qazandı. Artıq “Real”ın üzvü olan, amma bu turniri “River Pleyt”də keçirən 17 yaşlı Franko Mastantuono özünü yaxşı tərəfdən göstərə bilməsə də, komandanın onun qollarına ehtiyacı qalmadı.

E qrupu
1-ci tur
Monterrey – İnter 1:1 (1:1)
Monterrey (Meksika): Andrada, Çaves (Agirre, 58), Medina, Ramos, Quzman, Arteaqa, Rodriges, Kanales (Roxas, 89), Torres (Deossa, 58), Berterame (Ambris, 78), Okampos (Kortiso, 89).
İnter: Zommer, Darmian, Pavar (Enrike, 68), Açerbi, Bastoni, Auqusto (Dimarko, 68), Barella, Mxitaryan (Zalevski, 78), Asllani (Suçiç, 68), Esposito (M.Türam, 58), Martines.
Qollar: Ramos, 25 (1:0). Martines, 42 (1:1).
Vərəqələr: Rodriges, 45. Asllani, 61. Barella, 88. Martines, 90+5 – sarı.
Hakim: Vilton Sampayo (Braziliya).
17 iyun. Los Anceles. 40311 tamaşaçı.

River Pleyt – Urava Red Daymonds 3:1 (1:0)
River Pleyt (Bueno Ayres, Argentina): Armani, Q.Montyel, Pesselya, Martines Kuarta, Akunya (Kasko, 88), L.Fernandes (Qaloppo, 46), Peres (Mesa, 46), Kastanyo, Mastantuono, Kolidio (Q.Martines, 74), Driussi (Borxa, 50).
Urava Red Daymonds (Saytama, Yaponiya): Nişikava, İşihara, Danilo, Hoybraten, Naqanuma (Oqivara, 80), Qustafson (Haraquçi, 87), Yasui (Matsumoto, 81), Kaneko (Sekine, 71), Savio (Santana, 71), Vatanabe, Matsuo.
Qollar: Kolidio, 12 (1:0). Driussi, 48 (2:0). Matsuo, 58-p (2:1). Meza, 73 (3:1).
Vərəqələr: Peres, 24. Qustafson, 34. Akunya, 57. Pesselya, 60. Qaloppo, 90+2 – sarı.
Hakim: Feliks Svayer (Almaniya).
17 iyun. Sietl. 11974 tamaşaçı.

21 iyun: İnter – Urava Red Daymonds, River Pleyt – Monterrey.