"Kəpəz"in yeni baş məşqçisiylə bağlı rəsmi xəbər - səbirsizliklə gələn həftəni gözləyin!
Misli premyer-liqasında başa çatan mövsümü 9-cu yerdə bitirən "Kəpəz"də gözlənilməz hadisə yaşandı - Gəncə təmsilçisi komandanı elitada saxlayan baş məşqçi Azər Bağırovla yolları ayırdı. İndi "sarı-göylər" yeni çalışdırıcı axtarışındadı.
Bəs məsələ nə vaxt həllini tapacaq?
Bu sualla "Kəpəz"in Media və marketinq departamentinin direktoru Gəray Qiyasova müraciət etdik. Onun "Football-plus.az"a cavabı:
"Hələ baş məşqçi postuna təyinat reallaşmayıb. Namizədlərlə danışıqlar davam edir. Böyük ehtimalla, gələn həftə bu məsələyə nöqtə qoyulacaq. İndi yalnız o dəqiqdi ki, yeni çalışdırıcı yerli olacaq".
Xatırladaq ki, daha əvvəl "sarı-göylər"in sabiq baş məşqçisi Adil Şükürov saytımıza açıqlamasında klubla danışıqlar apardığını bildirib.KƏNAN BAHADIR
Digər xəbərlər
