“Qalatasaray”ın argentinalı ulduzu Mauro İkardi ilə qalmaqallı həyat yoldaşı Vanda Nara arasındakı gərginlik bitmək bilmir.

Baxmayaraq ki, onlar hələ martda rəsmi şəkildə boşanıblar. Ancaq bu ikili arasında mülkiyyət bölgüsünə dair məhkəmə davam edir. Mayın 28-də məhkəmənin növbəti iclası keçirildi. Argentinalı jurnalist Fakundo Luis Ventura öz səhifəsində bu məhkəmənin gedişinə dair maraqlı detalları paylaşıb.

Onun sözlərinə görə, bir ara vəziyyət nəzarətdən çıxıb və məhkəmə salonu az qala boks rinqinə çevrilib. Hər iki tərəf əlinə keçəni bir-birinə firlatmağa başlayıb. Məhkəmənin ən gərgin anı isə Vandanın xəyanət görüntülərinin ekrana gətirilməsi zamanı yaşanıb. Bu görüntülər məhkəmə salonunda yerləşdirilən monitorda nümayiş etdirilib. Orda Vandanın İkardiyə Keyta Balde ilə xəyanət etməsinə dair görüntülər sübut kimi göstərilib. Məhz həmin an Nara özündən çıxaraq hisslərinə hakim ola bilməyib.

İddialara görə məhz bu məhkəmədə Vandanın İkardiyə 3-cü şəxslə də xəyanət etdiyi üzə çıxıb. Onun Keyta Balde ilə qısamüddətli, eləcə də sonuncu dəfə reper L-Gante ilə bir neçə ay davam edən münasibəti heç kimə sirr deyildi. Amma sən demə, Nara həmyerlisi Federiko Fatsio ilə də gizli eşq macərası yaşayıbmış! “Sevilya”, “Tottenhem”, “Roma” və “Salernitana”da forma geymiş 38 yaşlı Fatsio artıq karyerasını başa vurub. Fakundo Luis Ventura məhkəmənin yekunlarına aid bunları yazıb:

Məhkəmənin ardından tanınmış futbolçunun “instaqram”ın hekayəsindəki paylaşımı da diqqət çəkib. O, süni intellekt ilə hazırlanmış məşhur aktyor Conni Depplə birlikdə olan şəklini paylaşaraq “Conni, bir aya bizi çəhrayı maşında görəcəksən, bu iş mənim də cox xoşuma gəlir” sözləri ilə növbəti dəfə Vandaya söz atıb.

Nara sonuncu dəfə çəhrayı rəngdə olan bahalı “Lamborgini”si ilə şəkil çəkdirərək “instaqram”da paylaşım etmişdi. Bu maşın əslində İkardiyə məxsusdu. Nara özü boşanma prosesinin gedişində maşını çəhrayı rəngə boyatdırıb!

İkardi təkcə bununla kifayətlənmək istəmir. O eyni zamanda uşaqların qəyyumluq hüququnu qazanmaq niyyətindədi. Ancaq bu məsələ bir qədər qəliz görünür. İkardi hər vəchlə uçaqları Türkiyəyə gətirmək istəsə də, məhkəmə buna icazə vermir.