Artıq Mahir Emreli ilə "Nürnberq" arasında hansısa bağ qalmadı.

Almaniyanın 2-ci bundesliqa təmsilçisi hələ mayın 6-da məlumat yaymışdı ki, həmyerlimizə müddəti mövsümün sonunda başa çatacaq müqavilə yenilənməyəcək. Halbuki "futbol ili"nin əvvəlində imza atılan anlaşmanın vaxtı daha bir il müddətinə artırıla bilərdi.

Bu mövzunun pərdə arxasında nələrin baş verdiyini bilmədik. Klub həmyerlimizin qalmasında israrlı olsa da, Mahir "yox" dedi? Ya əksinə? Ya bəlkə hər iki tərəf bu izdivacın başa çatmasında maraqlı idi. Gerçəyi heç kim bilmir və düzü, indi bunun o qədər də önəmi yoxdu. Sadəcə, indiyə qədər həm hücumçunun, həm də baş məşqçi Miroslav Klozenin verdiyi açıqlamalar arada hansısa narazılığın olmadığı haqda düşünməyə əsas verir. Tərəflərdən biri fərqli danışmadıqca başqa cür düşünmək haqqımız da yoxdu. Bu öz yerində.

Ən vacib məqam Mahirin son turda "Ayntraxt”a “toy tutmasıdı”. Bu matçın təfərrüatından xəbərdarsız. Həmçinin sizi Klozenin və Emrelinin vida sözləriylə tanış etmişik (bax: səh. 2). Göründüyü kimi, həmyerlimiz sürətlə karyerasının zirvəsinə doğru irəliləyir. Azərbaycan futbolunu Türkiyədə, Polşada, Xorvatiyada təmsil edən hücumçu uğurlarını da özüylə daşıyır. 28 yaşı iyunun 1-də tamam olacaq futbolçu artıq 4 het-trik müəllifidi!

Xatırladaq ki, o, ilk üç het-tirikinə Azərbaycan premyer-liqasında imza atıb. Həmin dönəmdə "Qarabağ"ın şərəfini qoruyan hücumçunun ilk iki belə uğuru 2018/19 "futbol ili"nə təsadüf edib. Dəqiq desək, 23-cü turun "Qarabağ" - "Keşlə" (indiki "Şamaxı") matçında meydana çıxan və sona qədər top qovan hücumçu komandasının 5:1 hesablı qələbə qazanmasına yardım edib. İkinci əlamətdar oyun isə 27-ci tur çərçivəsində evdə "Səbail"ə qarşı (4:0) keçirilib. İlk "11-lik"də forma geyən Mahir yenə rəqibi üç dəfə məyus etməyi bacarıb. Nəhayət, onun ölkəmizdəki sonuncu het-triki 2020/21 mövsümündə qeydə alınıb. 24-cü turda "Qarabağ"ın heyətində "Qəbələ"yə qarşı səfər matçında forma geyən futbolçu 71-ci dəqiqədə meydana çıxıb və 88, 89 və 90-cı dəqiqələrdə fərqlənməklə komandasının 5:0 hesablı qələbə qazanmasında böyük pay sahibi olub.

Odu ki, "Bild" qəzetinin Mahirlə "Mahir geht als Magier!" (Mahir sehrbaza çevrilir!) sərlövhəli yazı vasitəsilə vidalaşmasına biganə qala və ya təəccüblənə bilmərik. Təbii ki, buna bundesliqa klubuyla anlaşmaq ehtimalının yüksək olması da daxildi. Bəli, biz təəccüblənmirik. İş ondadı ki, Mahir bizi pis mənada təəccübləndirməməlidi. Məsələn, "Kayserslautern", "Herta" kimi klubların təklifini qəbul etməməlidi. Allah uzaq etsin, o, maddi məsələlərə görə karyerasına 2-ci bundesliqa klubunda davam etmək qərarına gəlsə, bir nəfər kimi hamımızın ümidini qıracaq, bizi xəyal qırıqlığına uğradacaq. Bəlkə bu üzdən ondan küsənlər, üz çevirənlər də olacaq. Düzdü, sonuncu siyahıda biz olmayacağıq. Mahir indiyə qədər qazandığı uğurlarla könülləri fəth etməyi, Azərbaycan futbolunun təbliğində fəallıq göstərməyi bacarıb. Ancaq dayanmaq olmaz. İndi cib doldurmağı düşünmək üçün çox tezdi.

Bundesliqa klubundan gələn təklif mümkün qədər qısa vaxtda qəbul edilməlidi. Mahir indi hansısa klubun pul tələsinə uya bilməz. Karyeranın bu dəmində zarafata yer yoxdu. Bütün məsələlər yüz ölçülüb-bir biçilməli, o, "Nürnberq"də yol verdiyi səhvləri bir daha təkrarlamamalı, zədələrdən qorunmalı və makimum çox qol vurmalıdı. İndi ən vacib andı. Soyuq başla düşünmək üçün vaxt da var. Biz təkcə Azərbaycan futbolunun yetirməsindən yox, həm də fərqli çempionatların fəlsəfəsini mənimsəyən, təcrübəli mütəxəssislərdən, xüsusilə əfsanəvi hücumçu Miroslav Klozedən dərs alan,  Almaniyanın 2-ci bundesliqasında çıxış edən adlı-sanlı komandaları dəfələrlə məyus edən, ən önəmlisi, bu ölkənin "Bavariya"dan sonra ən çox çempion olan komandasında forma geyən futbolçudan - Mahirdən bəhs edirik.

Hə, sehrbaz, fikirləşmək, ən doğru addımı atmaq zamanıdı. Dünyaca ünlü sehrbaz Coş Norris boş yerə deməyib: