“Danışılmış oyunlarla mübarizə sırf hüquqi müstəvidə aparıldığından...” – Seymur Səlimli vəzifədən niyə getdi?
Azərbaycan futbolunda önəmli kadr dəyişikliyi baş verib.
Uzun illər UEFA-nın danışılmış oyunlarla bağlı Azərbaycan üzrə nümayəndəsi kimi fəaliyyət göstərən Seymur Səlimli postunu tərk edib. AFFA onun yerinə Naib Əsədovu gətirib. Bu dəyişiklik UEFA ilə razılaşdırılmış şəkildə həyata keçirilib.
Hüquq-mühafizə orqanları ilə sıx əməkdaşlıq şəraitində çalışan və bu sahəyə illərdi nəzarət edən Seymur Səlimlinin kənarlaşdırılması hansı anlama gəlir? Bu vəzifədən ayrılmaq öz istəyiniz idi, yoxsa AFFA rəhbərliyinin təşəbbüsü oldu? Naib Əsədov bu işin öhdəsindən gələ bilərmi? Bu sualları Seymur bəyə ünvanladıq:
“Bildiyiniz kimi mən eyni zamanda AFFA-da Qeydiyyat və Statistika şöbəsinin rəisi vəzifəsində də çalışıram. AFFA-da struktur dəyişiklikləri zamanı qərara alındı ki, Naib Əsədov bundan sonra Komplayns və Danışılmış oyunlara qarşı mübarizə şöbəsinin rəisi təyin olunsun. Naib Əsədov xeyli müddətdi AFFA-nın Hüquq şöbəsində çalışır. Danışılmış oyunlarla mübarizə sırf hüquqi müstəvidə aparıldığından AFFA-da hüquqşünasın bu sahəyə cavabdeh şəxs təyin olunması daha məqsədəuyğundu. İnanırıq ki, o, bu vəzifənin öhdəsindən uğurla gələcək”.
ƏSƏD SEYİDOV
Digər xəbərlər
