Fransesk Fabreqas ilə bağlı növbəti iddia yayılıb.

“Red Bull”un qlobal futbol əməliyyatları üzrə rəhbəri Yürgen Klopp “Komo”nun baş məşqçisi ilə əlaqə saxlayıb. Jurnalist Fabritsio Romanonun məlumatına görə, Klopp Fabreqasın “Leyptsiq”də baş məşqçi olmasını istəyir. Almaniya klubu martın sonunda istefaya gözlənilən baş məşqçi Marko Rozeyə əvəzləyici axtarır. Fabreqas hücumameyilli futbola üstünlük verməsi və “Komo”da əldə etdiyi uğurlu nəticələr sayəsində “Leyptsiq” rəhbərliyinin diqqətini cəlb edib.

37 yaşlı ispaniyalı məşqçilik karyerasına 2023-cü ildə başlayıb. Fabreqas əvvəlcə “Komo”nun 19 yaşadək oyunçulardan ibarət komandasına rəhbərlik edib. 2024-cü ildə isə İtaliya klubunun əsas komandasına təyinat alıb.