“Bu qərarı düzgün sayıram. Həm AFFA klublara pul ayırır, həm də UEFA-dan onlara kifayət qədər pul gəlir. Buna baxmayaraq, Azərbaycan futbolu çox pis durumdadı. AFFA-nın yeni baş katibi Cahangir bəyin konfransdakı çıxışını çox yüksək dəyərləndirirəm. Onun dediyi kimi sıfırdan başlamalıyıq. Bu qədər vəsaitin qarşılığında milliyə bir normal futbolçu verməmişik. Verilən pul lazımsız legionerlərə sərf olunub. Avrokuboklarda bir-iki turdan sonra uduzub qayıtmaq ənənə halını alıb. Futbolun strategiyası ilə məşğul olan insanlar bilməlidi ki, gec-tez yerli futbolçulara üstünlük verməliyik. Legionerlərə vəsait yatırmaq yığışdırılmalıdı. Bu pulu öz futbolçularımızın inkişafına ayırmalıyıq. Yaxşı olar ki, AFFA İcraiyyə Komitəsi ayrılan vəsaitin planlı şəkildə hesabatını tələb etsin. O pulun legionerlərə xərclənməsinə veto qoyulsun. Sponsor istəyirsə, öz maddi gücü ilə legioner gətirsin”.