“Real” 2023/24 mövsümündə UEFA-dan daha çox pul mükafatı alan klub olub. Bu məlumatı AP agentliyi yayıb.

İspaniya klubuna ötən mövsüm Çempionlar Liqasının (ÇL) qalibi olduğu üçün 138,8 milyon avro ödənilib. “Real” bu məbləğdən 14 milyon avronu televiziya hüquqlarının satışından əldə edib. Madridlilərə finalda 0:2 hesabıyla uduzan “Borussiya” (Dortmund), yarımfinalçılar PSJ və “Bavariya”, həmçinin 1/4 finala qədər irəliləyən “Mançester Siti” isə 100 milyon avrodan çox qazanıb.

Yarımfinalda “Borussiya”ya uduzan (0:1, 0:1) PSJ 122,4 milyon avro irəli düşüb ki, bu da UEFA-nın ÇL üçün verdiyi 2-ci ən böyük pul mükafatıdı. “Borussiya” (120,7 milyon avro) bu göstəricidə “Bavariya”nı (120,4 milyon avro) qabaqlayaraq 3-cü yeri tutub.

Maraq üçün ötən mövsüm Avropa Liqasının qalibi olan “Atalanta”nın təxminən 34 milyon avro qazandığını da bildirək.