"Uzun illər jurnalist fəaliyyəti ilə məşğul olduğuma görə hazırkı reaksiyaları anlayışla qarşılayıram. Təbii ki, baş məşqçi səbr göstərib sualları da cavablasaydı, daha yaxşı olardı. Çünki jurnalistlər oyuna xüsusilə mətbuat konfransında iştirak üçün yollanırlar. Amma baş məşqçi Əsasnamə pozuntusuna yol verməyib. Əsasnamədə göstərilir ki, çalışdırıcı mətbuat konfransında iştirak etməlidi. Vasili Berezutski də öz növbəsində bunu edib. Özünüz də dəfələrlə avrokuboklarda da görmüsüz ki, konfransın müddətini, hətta sualların sayını mətbuat katibi tənzimləyir. Yəni indiki halda iradlara belə rahatlıqla “mən heç bir qaydanı pozmamışam” cavabını verə bilər. Kobud desək, bir neçə kəlmə ilə bütün suallara cavabı verdiyini deyə bilər".

“Baş məşqçimiz Vasili Berezutski PFL-in Əsasnaməsinə uyğun şəkildə oyun sonrası mətbuat konfransında iştirak edib və mətbuat konfransı zamanı oyunla bağlı fikirlərinin ancaq qeyd etdiklərindən ibarət olduğunu bildirib. Mətbuat konfransını tərk edərkən də media mənsublarının bunu anlayışla qarşılayacaqlarını düşünərək öz təşəkkürünüi ifadə edib. Bəzi media nümayəndələrinin iradlarını başa düşürəm. Ən azı oyunun vacibliyini nəzərə alsaq, əlavə sualların olması da başadüşüləndi. Lakin burda media nümayəndələrsinə hörmətsizlikdən söhbət gedə bilməz. Ən azı Berezutski həmişə mətbuat konfranslarında ona ünvanlanan istənilən sualı ətraflı cavablayıb. Bu günə kimi də media tərəfindən hansısa narazılıq olmayıb”.