“Berezutskinin etdiyi hərəkət jurnalistlərə, Azərbaycanın idman mediasına hörmətsizlik idi. Sən hakimdən narazı qala, bunu mətbuat konfransında səsləndirə bilərsən. Amma penaltin verilməyibsə, burada jurnalistlərin nə günahı? Hər bir məşqçinin peşə borcudu ki, mətbuat konfransında ona ünvanlanan sualları cavablasın. Mətbuat konfransı yalnız baş məşqçinin açıqlamasından ibarət olacaqsa, elə bunu klubun rəsmi saytına desin, sayt da paylaşsın. İstənilən əcnəbi məşqçi bu ölkədə işləyirsə, ölkənin qayda-qanunlarına hörmətlə yanaşmalıdı. Berezutski Murad Musayevin yerinə olsaydı, nə edərdi? Musayev daha çox hakim haqsızlığı görmüşdü, amma heç vaxt mətbuat konfransını yarımçıq tərk etməmişdi. Bəlkə Berezutski jurnalistlərin suallarını əhəmiyyətsiz sayıb? Özü məşqçi kimi hansı nəticəni qazanıb? Məndə ən çox təəssüf doğuran isə "Sabah"ın başverənlərə susqun qalması oldu. Halbuki baş məşqçilərini hörmətsizliyinə görə üzrxahlıq edə bilərdilər”.