Dünya çempionu əməliyyat olunacaq

Paulo Dibalanın Argentina yığmasına qarşıdakı oyunlarda kömək edə bilməyəcəyini xəbər vermişdik.

Dünya çempionu “Roma”nın A seriyasında “Kalyari”yə qarşı son oyununda (1:0) zədə almışdı. Paulo sol ayaq əzələsinin xəsarət almasına görə əməliyyat olunacaq. Hələ ki, 31 yaşlı Dibalanın əməliyyatdan sonra sıraya nə vaxt dönəcəyi haqda məlumat verilmir.

O, bu mövsüm İtaliya çempionatında 24 oyuna 6 qol vurub.