“Qarabağ”dan FKSB ilə oyundan əvvəl üzücü xəbər gəldi! – “köhlən atlar” buna layiqdimi?

“Qarabağ” sabah Avropa Liqasının 7-ci tur matçında FKSB-ni qəbul edəcək.

Oyunla bağlı redaksiyamıza üzücü xəbər daxil olub. Dəqiq desək, “köhlən atlar”ın mətbuat xidmətinin rəhbəri Anar Hacıyev “Football-plus.az”a açıqlamasında indiyə qədər cəmi 15 min civarında biletin satıldığını deyib.

Xatırladaq ki, oyunun keçiriləcəyi Tofiq Bəhramov adına Respublika stadionunun tamaşaçı tutumu 31200 nəfərdi. Bu da o deməkdi ki, biletlərin satış sayında sabah axşam saatlarına qədər “partlayış” baş verməsə, tribunaların təxminən yarısı boş olacaq! Amma “köhlən atlar” heç bir halda buna layiq deyil.

KƏNAN BAHADIR