Əziz Yıldırım Məsut Özilə jest etməsi barədə xəbəri təkzib etdi
''Fənərbaxça''nın əfsanəvi prezidenti Əziz Yıldırım ilə bağlı bir xəbər gündəmə bomba kimi düşdü.
''Football-plus.az'' xəbər verir ki, Türkiyə mətbuatında Yıldırımın Məsut Özilə 9 milyon lirə dəyərində olan ''BMW i7'' markalı maşın hədiyyə etməsi barədə xəbər bir andaca ildırım sürəti ilə yayıldı. Bu xəbəri ''Hürriyət'' nəşrinin bu günkü sayında Mehmet Üstündağ imzası ilə paylaşıldı. Ordakı məlumata görə Yıldırım bu jesti Məsutun həyat yoldaşı Əminə Özil və iki uşağı ilə birlikdə daha rahat səyahətlər edə bilməsi üçün həyata keçirib.
Elektrikli ''BMW i7'' maşın dünyasının ən nüfuzlu modellərindən biridi. Amma bu xəbər böyüməyə başladıqdan və sosial şəbəkələrdə böyük müzakirələrə səbəb olduqdan sonra Əziz Yıldırımdan rəsmi təkzib açıqlaması gəldi. ''Fənər''in sabiq başqanı yazılı açıqlamasında bunları qeyd etdi:
''Hürriyət'' nəşrinin bu günkü sayında yayımlanan ''Əziz Yıldırımdan Məsut Özilə 9 milyonluq jest'' başlıqlı xəbər tamamilə yalandı. Məsut Özili uzun müddətdi, görmürəm. Hər cəhətdən əxlaqi dəyərlərdən uzaq olan və yalnız satışın daha yaxşı həyata keçirilməsinə hesablanan bu tip xəbərlərlə nəyə xidmət etməkdəsiz? Başdan ayağa uydurma olan bu xəbərlə bağlı hüquqi haqqımı sona qədər qoruyacağımı və insanların belə yalan məlumatlara etibar etməməsini demək istəyirəm''.
Xatırladaq ki, Almaniya yığması ilə DÇ-2014-ün qalibi olmuş, eləcə də ''Verder'', ''Real'', ''Arsenal'', ''Fənərbaxça'' və ''İstanbul BŞ''nin şərəfini qorumuş 36 yaşlı Özil karyerasını 2023-ün martında başa vurub.
ƏLİ
Digər xəbərlər
