Dekabrın 18-19-da Liqa kubokunda 1/4 final mərhələsinin oyunları keçirildi. “Liverpul” bu il “Sauthempton”u həm ölkə kubokunda, həm də premyer-liqada məğlub etmişdi. İndi isə növbə Liqa kubokuna çatdı.

Favorit 2:1 hesabıyla qalib gəldi. Nunyeslə Elliott artıq fasiləyə qədər oyunun taleyini həll etdi. Amma “müqəddəslər” başqa fikirdə idi. Arçer 59-cu dəqiqədə fərqi azaltmaqla onları ümidləndirdi. Qonaqların qapıçısı, eləcə də müdafiə xətti etibarlı oynadı. Məğlubiyyətsiz oyunlar seriyasını 20-yə çatdıran mersisaydlılar titulu qorumaq yolunda daha bir addım atdı. Baxmayaraq ki, “qırmızılar”ın əksər əsas oyunçuları bu dəfə istirahət etdi. Onlar növbəti mərhələdə faktiki “az qan” ilə adladı. Xoşbəxtlik üçün daha nə lazımdı?! “Müqəddəslər” çox çalışsalar da, belə güclü rəqibin öhdəsindən gələ bilmədilər. “Liverpul” bu mövsüm, deyəsən, bütün titulları silib-süpürmək fikrindədi. Prinsipcə hər iki komanda bu oyundan müsbət təcrübə qazandı. Elitada yerini qorumaqda çətinlik çəkən “Sauthempton” anladı ki, ən güclü rəqiblərə də müqavimət göstərməyə qadirdi. “Liverpul” isə sadəcə, qarşısıalınmazdı. Slot klub tarixinə yeni qəhrəman kimi düşmək istəyir. Yeri gəlmişkən, Liqa kubokunu 10 dəfə qazanan “Liverpul” bu göstəricidə rekordçudu.

“Arsenal” da “Kristal Pelas”la oyuna qarışıq heyətlə çıxmışdı. Gücə qənaət prinsipi az qala “topçular”ın başında çatlayacaqdı. Artıq 4-cü dəqiqədə qonaqlar təsadüfi əks-hücumda hesabı açdı, ardından müdafiə olunmağa başladı. “Arsenal”ın oyunçuları isə ilk yarıda sanki meydanda bir-biri ilə tanış olmağa, irəlidə oyun əlaqələri qurmağa çalışırdılar. Bu da çox pis alınırdı. Ancaq Arteta fasilədə oyunun yönünü dəyişmək bacarığını bir daha göstərdi. Baş məşqçi iki yerdəyişmə etdi, Edeqorun meydana çıxması həlledici oldu, norveçli dərhal komandasının oyununu gücləndirdi, təzyiqin artmasına töhfə verdi. “Arsenal”ın təzyiqi tezliklə qola gətirib çıxardı. Bərabərlik hesabı təxminən 20 dəqiqə qorundu, ancaq meydan sahiblərinin üstünlüyü artıq şübhə doğurmurdu, onların 2-ci qolu vurması, sadəcə, zaman məsələsi idi. İş ondadı ki, Jezusun 73-cü dəqiqədə vurduğu qolda ofsayd var idi, amma bu turnirdə VAR sistemi olmadığına görə qol qeydə alındı. Hər halda, Jezusun bir qədər sonra vurduğu 3-cü qol ehtirasları bir qədər sakitləşdirdi. “Kristal Pelas” isə sona yaxın buraxılan toplardan birinin əvəzini çıxdı. Düzdü, “topçular” 2-ci hissədə aşkar dominantlıq etdi. Bununla belə, 2-ci qoldakı ofsayd daim xatırlanacaq.

“Brentford”la “Nyukasl” premyer-liqanın turnir cədvəlində 11-12-ci yerləri bölüşür. Bu komandalar arasındakı 1/4 final oyunu “sağsağanlar”ın meydanında keçirildi. Və onlar “doğma divarlar” amilindən necə lazımdı yararlandılar. İlk yarıda Tonali dubl etdi, 2-ci hissənin əvvəlində isə Şer fərqi darmadağın həddinə çatdırdı. “Brentford” yalnız sonda təsəlli qolunu vura bildi.

Bu mərhələnin “Tottenhem”lə “Mançester Yunayted” arasında keçirilən son oyunu daha böyük maraq doğururdu. “Mahmızlar” özlərinə xas olan üslubda erkən qol vurdu – Porronun uzaq məsafədən zərbəsini Bayındır uğursuz dəf etdi, Solanke isə qayıdan topu yaxın küncə göndərdi. MY qoldan sonra daha kəskin hücumlar qursa da, meydan sahibləri növbəti dəfə fərqlənməyə yaxın oldu – Kulusevskinin təhlükəli zərbəsindən sonra türk qapıçı özünü göstərdi. Amma komandalar paltardəyişmə otağından qayıdan kimi Kulusevski fərqi artırdı. Tezliklə, daha dəqiqi, 54-cü dəqiqədə hesab 3:0 oldu.

Solanke iki müdafiəçini və Bayındırı arxada qoyub fərqləndi. Düşünmək olardı ki, bununla da oyunun taleyi həll olundu. Ancaq “mahmızlar”ın qapıçısı intriqanı bərpa etdi. Təcrübəli Forster əvvəlcə Drequşinə ötürmə zamanı ehtiyatsızlığa yol verdi, topu ələ keçirən Fernandeş isə Zirkzeenin fərqlənməsinə şərait yaratdı. Bir neçə dəqiqə sonra qapıçı daha kobud səhv etdi. Geriyə ötürmə zamanı düşünmək üçün vaxtı çox olsa da, Dyallo “sürüşmə” fəndi ilə topu tora saldı. Ardıcıl iki qol meydan sahiblərini əsəbləşdirdi, mankunianlar isə təzyiqi artırdı. “Tottenhem”in köməyinə künc zərbəsi çatdı. Son Hın Min kornerdən topu birbaşa qapıya göndərməklə komandasını yarımfinala çıxardı. Düzdü, uzatma dəqiqələrində Evans qollardan birinin əvəzini çıxdı. Amma hesabı bərabərləşdirmək üçün vaxt qalmamışdı. 1/8 finalda “Mançester Siti”ni məğlub edən “Tottenhem” bu şəhərin daha bir təmsilçisini mübarizədən kənarlaşdırmaqla yarımfinalda oynamaq hüququ qazandı. Amorim isə hələ MY-də çox iş görməlidi.

1/4 final
Tottenhem – Mançester Yunayted 4:3
Solanke, 15; 54. Kulusevski, 47. Son Hın Min, 88 – Zirkzee, 63. Dyallo, 70. Evans, 90+5.
Tottenhem: Forster, Porro, Drequşin, Qrey, Spens (Regilon, 90+1), Sarr, Bissuma, Kulusevski, Meddison (Berqvall, 79), Son Hın Min, Solanke.
MY: Bayındır, Mazraui, Yoro, Lindelöf (Evans, 45), Martines, Dalot, Uqarte (Qarnaço, 72), Eriksen (Maynu, 56), Fernandeş, Antoni (Dyallo, 55), Heylunn (Zirkzee, 56).
Sauthempton – Liverpul 1:2
Arçer, 59 – Nunyes, 24. Elliott, 32.
Liverpul: Kelleher, Aleksander-Arnold (Kyeza, 46), Qomes (Simikas, 46), Kuansa, Endo, Morton, Nyoni (Danns, 86), Makallister (Makkonnell, 63), Elliott, Qakpo (Jota, 63), Nunyes.
Arsenal – Kristal Pelas 3:2
Jezus, 54; 73; 81 – Mateta, 4. Nketia, 85.
Arsenal: Rayya, Parti (Saliba, 46), Kivyor (Qabriel, 87), Timber, Tirni (Lüis-Skelli, 69), Jorjinyo, Merino, Nvaneri (Edeqor, 46), Jezus, Sterlinq (Saka, 70), Trossar.
Nyukasl – Brentford 3:1
Tonali, 9; 43. Şer, 69 – Vissa, 90+1.

Yarımfinalın ilk oyunları yanvarın 8-də, cavab görüşləri fevralın 5-də keçiriləcək: Tottenhem – Liverpul, Arsenal – Nyukasl.

Oyundan sonra
Ruben Amorim, MY-nin baş məşqçisi: