Şamaxı – Qarabağ (Ağdam) 0:1 (0:0)
1. Rikardo Fernandes – 6,0
17. Rafael Məhərrəmli – 5,0
5. Arsen Ağcabəyov – 5,5
6. Rauf Rüstəmli – 5,5
82. Rüfət Abbasov – 5,5
24. Edqar Adilxanov – 6,5
(60. Səbayıl Bağırov, 81) – qiymətsiz
32. Vasiliye Radenoviç – 6,0
20. Leroy Mikels (k) – 6,5
(19. Fəxri Məmmədli, 90+2) - qiymətsiz
93. Brahim Konate – 6,0
9. Belajdi Pusi – 6,0
(11. Conatan Benteke, 87) – qiymətsiz
66. Vasiliye Bakiç – 5,0
Ehtiyat oyunçular
85. Kamal Bayramov
62. Abdulla Seydəhmədov
10. Emin Zamanov
80. Zahid Mərdanov
13. Ramin Əhmədov
22. Qurban Səfərov
Baş məşqçi: Ayxan Abbasov
Komandanın ən yaxşısı: Leroy Mikels

1. Şahrudin Məhəmmədəliyev – 5,5
20. Riçard Almeyda (k) – 5,5
30. Abbas Hüseynov – 6,0
(29. Marko Veşoviç, 80) – qiymətsiz
44. Elvin Cəfərquliyev - 5,5
(27. Toral Bayramov, 65) - 5,5
10. Abdulla Zubir - 6,5
8. Marko Yankoviç – 6,0
2. Mateus Silva - 5,0
6. Julio Romao – 5,0
(7. Yassin Benzya, 65) - 5,5
19. Redon Cica – 6,0
(22. Musa Qurbanlı, 65) – 6,0
15. Leandro Andrade - 6,5
21. Aleksey Kaşuk – 6,0
(90. Nəriman Axundzadə, 80) – qiymətsiz
Ehtiyat oyunçular
99. Mateus Koxalski
97. Fabian Buntiç
12. Sadiq Məmmədzadə
66. Patrik Andrade
18. Olavio Juninyo
11. Emmanuel Addai
Baş məşqçi: Qurban Qurbanov
Komandanın ən yaxşısı: Abdulla Zubir
Qol: M.Qurbanlı, 90+4 (M.Veşoviç).
Vərəqələr: J.Romao, 62 (qeyri-idman hərəkəti). A.Ağcabəyov, 77 (qeyri-idman hərəkəti). N.Axundzadə, 90+4 (qeyri-idman hərəkəti) – sarı.
Hakimlər: RƏŞAD ƏHMƏDOV (Mingəçevir), Vüsal Məmmədov, Teymur Teymurov, Rauf Allahverdiyev (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Namiq Hüseynov (Bakı).
Hakim-inspektor: Rəhim Həsənov (Bakı).
AFFA nümayəndəsi: Azər Əsgərov (Bakı).
19 dekabr. Şamaxı. Şəhər stadionu, 1200 tamaşaçı (2200 yerlik).
Birinci hissəyə 1 dəqiqə, ikinci hissəyə 4 dəqiqə əlavə olunub.
Oyunun qiyməti: 6,0.

Heç şübhəsiz, bu oyunun favoriti “Qarabağ” idi. Hava şəraiti o qədər əlverişli olmasa da, bu məqam oyunun axarına təsir göstərmədi. İlk hücum 3-cü dəqiqədə qonaqlardan gəldi. Zubir ustalıqla cərimə meydançasına qədər gətirdiyi topu Cicaya ötürüb geri alandan sonra qapıya göndərməyə çalışsa da, Konate onun fərqlənməsinə imkan vermədi. 6-cı dəqiqədə isə Abbasın erkən qola çevirməsinə dirək mane mane oldu. 6 dəqiqə sonra Cicanın cərimə zərbəsindən vurduğu top da qapının üstündən keçdi. 28-ci dəqiqədə Riçard cərimə meydançasında olan Zubirə dəqiq ötürmə versə də, o çox da qüvvətli olmayan zərbə ilə qapıya yol tapa bilmədi. 39-cu dəqiqədə Abdullanın fərqlənmək istəyinin qarşısını Ağcabəyov aldı. Meydan sahibləri ilk yarıda əsasən müdafiə olunmaqla məşğul idi.

İkinci hissə də “köhlən atlar”ın hücumları ilə start götürdü. 47-ci dəqiqədə Kaşukun zərbəsi qeyri-dəqiq oldu. 51-ci dəqiqədə də ukraynalı oxşar epizodda Abbasdan aldığı topu qapıya göndərərkən top Radenoviçə dəyərək meydanı tərk etdi. 54-cü dəqiqədə, nəhayət, şamaxılılar rəqib qapısı önündə təhlükəli vəziyyət yaratdılar. Mikelsin cərimə zərbəsindən gələn topu qapıya göndərmək cəhdinə tir mane oldu. Hərçənd çox gözəl qol alına bilərdi... Şamaxılılar 70-ci dəqiqədə rəqib qapısına yol tapdı. Mikelsdən ötürmə alan Adilxanov Şahruddiinlə üzbəüz qalaraq topu qapıdan keçirə bildi. Lakin VAR-dan gələn cavaba görə oyundankənar vəziyyət səbəbindən Edqarın qolu qeydə alınmadı. Bundan sonra oyun qarşılıqlı hücumlar şəraitində davam etdi. Həqiqət anı uzatma dəqiqələrində yetişdi. Veşoviçin sağ cinahdan qapı önünə asması zamanı müdafiəçiləri qabaqlayan Musa Qurbanlı hesabı açmaqla həm də yerli azarkeşləri dərin kədərə qərq etdi.

Gözdən qaçmadı
* Şahruddin Məhəmmədəliyev zədədən qayıdandan sonra ilk çempionat matçına çıxdı.
* “Qarabağ”ı “Qarabağ Ordu” və “İmarət” fanklubları dəstəklənsə də, meydan sahiblərinə yalnız yerli camaat dəstək verdi.
* Final fitindən sonra Nəriman Axundzadə referi Rəşad Əhmədovu qucaqladı.
* Final fitindən sonra Veşoviç Radenoviçə formasını bağışladı.

RÖYANƏ OĞUZ