Serxio Ramos gələcəyi ilə bağlı qərar verib.

“TyC Sports”un xəbərinə görə, İspaniyalı məşhur müdafiəçi “Boka Xuniors”a keçməkdən imtina edib. Argentina klubu 38 yaşlı oyunçunu yanvarda sıralarına qatmağı planlaşdırırdı. Komandanın baş məşqçisi Fernando Qaqo Serxionun keçidini reallaşdıra biləcəklərindən əmin idi. Lakin hazırda azad agent olan Ramos “Boka Xuniors”a rədd cavabı verib.

Xatırladaq ki, Ramosun sonuncu klubu “Sevilya” olub. O, bu komandadan yayda ayrılıb. Dünya çempionu olan futbolçu karyerası ərzində “Real” və PSJ-də də oynayıb.