Türkiyə yığmasının baş sponsoru dəyişə bilər.

Məsələ burasındadı ki, Türkiyə Futbol Federasiyası ilə ''Mersedes-Bens'' şirkəti arasında hələ 1996-cı ildə imzalanan 28 illik müqavilə bu ilin sonunda başa çatır. Ona görə də TFF yeni sponsor axtarışına başlayıb. Əsas namizədlər BMW şirkəti ilə Türkiyənin yerli avtomobil markası olan ''Toqq'' şirkətidi.

Türkiyə mətbuatının yazdığına inansaq, artıq ''Mersedes''in qərarı ilə yığma üzvlərinə verilən EQB model maşınların geri təhvil verilməsi mərhələsinə start verilib. İlin sonuna qədər bu maşınların hamısı geri alınacaq. TFF-nin BMW ilə ''Toqq'' arasında seçim edərkən kimə üstünlük verəcəyi bilinmir. Amma iddialara görə yerli marka olduğuna görə ''Toqq''un tərəfində olan yönəticilər çoxdu. Müqavilə imzalansa, yığma üzvləri artıq ''Mercedes'' yox, ''Toqq T10X'' sürəcəklər. Onu da bildirək ki, ''Toqq'' artıq futbol sahəsində ilk addımlarını atıb.

Belə ki, bu şirkət bu yaxınlarda ''Bursaspor''la sponsorluq müqaviləsi imzalayıb. Bursadakı stadionun şimal tribunasına, eləcə də klubun şortunun üzərinə bu şirkətin adı yazılıb. ''Toqq'' markasının əsası məhz elə Bursada qoyulub.

ƏLİ