“Bu vəzifəyə gəldiyimiz gündən bəri futbolumuzun marka dəyərini və klublarımızın gəlir qaynaqlarını artırmaq layihəsini davam etdiririk. “Trendyol”la bu anlaşmanın hər baxımdan bizə fayda verəcəyini düşünürük. Biz eyni zamanda yığma komandanın da əsas dəstəkçisi olan “Trendyol”a sponsor gözü ilə yox, iş ortağı kimi baxırıq. İş ortaqları bir-birinə həmişə dəstək verir. 700 milyon lirəlik Türkiyə futbol tarixinə keçən bir anlaşma əldə etmişik. Bu, yalnız qarşıdakı mövsüm üçün keçərli olacaq. Superliqa və 1-ci liqada yeni mövsüm avqustun 11-14-də start götürəcək. Gələn yay baş tutacaq Avropa çempionatı da nəzərə alınmaqla mövsümə mayın 24-də yekun vurulacaq. Yeni mövsüm indidən hər kəsə uğurlu olsun. Münaqişəsiz və dost şəkildə keçən bir mövsüm arzulayıram. Superliqa hazırda Avropanın ən dəyərli 10 çempionatından biridi. Amma bununla kifayətlənmək istəmirik. “Trendyol”un verəcəyi dəstəklə göz bəbəyimiz olan superliqada rəqabətin, həyəcanın və səviyyənin daha da artacağına, Türkiyə futbolunun dünyadakı mövqeyinin bir qədər də güclənəcəyinə inanırıq. Arda Gülərin “Real”a, Çağlar Söyüncünün “Atletiko”ya transferi isə bizi bizi çox qürurlandırdı. İkisinə də uğurlar arzulayıram. Arda Gülərin Türkiyə gəncliyinə örnək olmasını istəyirik. “Fənərbaxça”ya da bu cür istedadı Türkiyə futboluna qazandırdığı üçün xüsusi təşəkkür düşür”.