Türkiyə çempionatında işləri qaydasında getməyən “Beşiktaş”ın uzun müddətdi davam edən stadion üçün sponsor axtarışı, nəhayət, başa çatdı.

"Football-plus.az" xəbər verir ki, daha öncə “Qazprom” və “Emireyts” kimi şirkətlərlə anlaşmağa yaxın olan, amma müxtəlif səbəblər üzündən danışıqları başa çatdıra bilməyən İstanbul nəhənginin yeni sponsoru “Türpaş” şirkəti oldu.

Xatırladaq ki, 2013-cü ildən bəri “Qartal”ın əsas sponsoru “Vodafon” şirkəti idi. Elə komandanın 2016-da istifadəyə verilən yeni stadionu da “Vodafon Park” adlanırdı. 2013-cü ildə tərəflər arasında “10+5” illik müqavilə imzalansa da, bu yay “Vodafon” “Beşiktaş”la əmədaşlığı bitirmək qərarına gəldi. Başqan Ahmet Nur Çəbinin uzun müddətdi davam edən sponsor axtarışı bəhrəsini verdi.

“Tüpraş” şirkəti ilə üçillik müqavilə imzalandı. Beləliklə, komandanın stadionu avrokubok oyunları zamanı “Beşiktaş Park”, qalan vaxtlarda isə “Tüpraş Stadionu” adlanacaq. Qeyd edək ki, “Koç Holdinq” tərəfindən idarə olunan “Tüpraş” Türkiyənin ən böyük və ən uğurlu neft şirkətidi. “Tüpraş”a Türkiyədə neft emal edən 4 zavod məxsusdu. Bu zavodlarda il ərzində ümumilikdə 30 milyon ton neft emal olunur. Ötən il bu şirkətin gəliri 481 milyard lirəyə bərabər olub.

Anlaşmanın maddi tərəfinə gəlincə, “Tüpraş” “Beşiktaş”a illik 230 milyon lirə, yəni təxminən 7,9 milyon avro ödəyəcək. Amma tərəflər pulun lirə ilə ödənilməsi barədə razılıq əldə edib. Bu anlaşmada uzun illərdi “Beşiktaş”ın rəsmi üzvü olan “Koç Holdinq”in fəxri prezidenti Rəhmi Koçun böyük əməyi var. Bunu imza mərasimində “Qartal”ın prezidenti Ahmet Nur Çəbi də etiraf edərək Rəhmi Koça xüsusi minnətdarlığını bildirdi. Daha öncə “Koç Holdinq”ə məxsus olan digər şirkət – “Beko” da uzun illər “Beşiktaş”ın sponsoru olub. Bilməyənlər üçün xatırladaq ki, Rəhmi Koç “Fənərbaxça”nın başqanı Əli Koçun atasıdı.