MLS-in çempionu müəyyənləşdi

15.12.2024 11:55 343
Dünya futbolu
ABŞ çempionatının yüksək liqası sayılan MLS-in qalibi müəyyənləşib.

Finalda “Los Anceles Qalaksi” və “Nyu York Red Bullz” qarşılaşıblar. Matç Los Anceles klubunun 2:1 hesablı qələbəsi ilə nəticələnib.

Bütün qollar ilk hissədə vurulub: Cozef Peynstil 9-cu dəqiqədə hesabı açıb, Deyan Yoveliç 13-cü dəqiqədə los anceleslilərin üstünlüyünü iki topa çatdırıb. Şon Nilisin 28-ci dəqiqədə vurduğu qol nyu yorklular üçün kiçik təsəlli olub.

Qeyd edək ki, “Los Anceles Qalaksi” tarixində 6-cı dəfə MLS çempionu olub. Bu turnirin rekordudu.