“MOİK son vaxtlar yaxşı formada idi” – amma 0:3 uduzdu...
1-ci liqanın 9-cu turunda “Qaradağ Lökbatan” MOİK-i darmadağın edib (3:0).
Autsayderlər sırasında olan “Qaradağ Lökbatan”ın 3 xalı 3 qolla qazanması böyük maraq doğordu. Meydan sahibləri bu qələbə hesabına MOİK ilə aradakı xal fərqini də “əritdi”.
“Qaradağ Lökbatan”ın baş məşqçisi Amit Quluzadə bu oyunla bağlı “Football-plus.az”a danışdı:
“MOİK son vaxtlar yaxşı formada idi. Kubokda “Sumqayıt”a qarşı yaxşı mübarizə aparmışdılar. Biz də oyuna ciddi hazırlaşmışdıq. Ciddi rəqiblərimizdən biridi. Bizim üçün önəmli oyun idi. Futbolçuları təbrik edirəm. Yaxşı mübarizə apardıq”.
ƏSƏD SEYİDOV
