''Fənərbaxça''nın vitse-prezident Acun Ilıcalını desteyiy ilə tamamilə fərqli bir sahədə belə demək mümkünsə, bomba partlatdığı məlum olub.

Belə ki, İstanbul nəhəngi dünyaca ünlü müğənni Rihanna və onun həyat yoldaşı ASAP Rocky ilə çox önəmli bir işbirliyinə imza atmağa hazırlaşır. Bu anlaşma çərçivəsində bu ikili ''Ülkər'' stadionuna gələrək komandanın oyunlarını izləyəcək. Onlar həm də ''Fənər'' forması ilə olan şəkillərini sosial şəbəkələrdə paylaşacaqlar. XXI əsrin ən uğurlu müğənnilərindən sayılan barbadoslu Rihannanın ''instaqram''da 151 milyon, ''X''də 108 milyondan çox təqibçisi var. Amerikalı reper ASAP Rocky isə ''instaqram''da 20 milyon insan tərəfindən təqib edilir.

''Fənərbaxça'' rəhbərliyi böyük hay-küyə səbəb olacağı gözlənilən bu anlaşmadan ən azı 50 milyon dollar gəlir əldə etməyi planlaşdırır. Amma klubun bu ikiliyə nə qədər pul ödəyəcəyi barədə məlumat yoxdu.

ƏLİ