“Real”ın hücumçusu Kilian Mbappe Fransa yığmasının oktyabrda Millətlər Liqası çərçivəsində İsrail və Belçika ilə keçirəcəyi oyunlar üçün iştirak ərizəsinə düşməyib.

Ünlü futbolçuya zədəsini sağaltmaq üçün vaxt veriblər, hərçənd o, çərşənbə günü Çempionlar Liqasında “Lill”ə qarşı oynayıb.

Yığmanın baş məşqçisi Mbappeni çağırmamasını zədə ilə izah edib. Maraqlı məqam odu ki, Kilian “Real”ın ölkə çempionatında sentyabrın 29-da “Atletiko”ya qarşı keçirdiyi oyunu buraxsa da, oktyabrın 2-də - “Lill” ilə oyunda 57-ci dəqiqədə meydana çıxıb.

Deşamın dediyinə görə, sentyabrın 24-də zədələnə futbolçunun tam sağalması üçün vaxta ehtiyac var:

Xatırladaq ki, Mbappe La Liqanın 7-ci turunun “Alaves”lə oyununda sol ayağının ikibaşlı əzələsini zədələyib. Əvvəlcə onun üç həftə yaşıl meydandan kənar qalacağı deyilirdi, ancaq cəmi bir həftə sonra adı “Lill” ilə ÇL oyununun iştirak ərizəsinə salındı, hətta meydana da çıxdı.

Madridlilərin baş məşqçisi Karlo Ançelotti oyundan əvvəl demişdi ki, Mbappenin bərpa prosesi sürətli keçib, ancaq onu yalnız sağlıq durumu ilə bağlı risk olmayacağı təqdirdə meydana buraxacaq. Belə düşünmək olar ki, dönüş həqiqətən yersizdi. 57-ci dəqiqədə oyuna qoşulan Mbappe qalan dəqiqələrdə rəqib qapısına bir zərbə də vurmadı. O, “Real”ın heyətində bütün turnirlərdə keçirdiyi 10 oyunda ilk dəfə belə halla üzləşdi. Yığmanın heyətinə düşməyən Kilian İspaniya çempionatının qarşıdakı oyununu da buraxa bilər. Madridlilər bu gün “Vilyarreal”ı qəbul edəcək. Kilianın meydana çıxmasının mümkünsüzlüyü ilə bağlı “L'Equipe” də xəbər yayıb.

Xatırladaq ki, fransalı ulduz PSJ-də keçirdiyi 6 ilin ardından bu yay azad agent kimi qoşulduğu “Real”la müqavilə bağlayıb. Mbappe bütün turnirlərdə keçirdiyi ilk 10 oyunda üçü penaltidən olmaqla 7 qol vurub.

Kilian paralel şəkildə ona 55 milyon avro borclu olduğunu dediyi sabiq klubu ilə də məhkəmə çəkişməsi aparır. Oktyabrın 15-də Fransa Peşəkar Futbol Liqasının birləşmiş apellyasiya komitəsi bu məsələyə baxacaq.