Türkiyə Futbol Federasiyası, nəhayət, radikal addımlar atmaq qərarına gəldi.

“Football-plus.az” xəvər verir ki, böyük təzyiq öz bəhrəsini verdi. Bu yay TFF-də prezident seçkisi olacaq!
Srağagün TFF-nin bəzi yönəticiləri, eləcə də başqan Mehmet Büyükekşi Adıyamanda keçirilən bir sıra tədbirlərdə iştirak etdilər. Onlar zəlzələdən sonra konteynerlərdən qurulan bir məhəlləni ziyarət etdilər. Bu ziyarətdə Türkiyə yığmasının baş məşqçisi Vinçentso Montella ilə yanaşı, Səbri Sarıoğlu, Hasan Kabze, Səlcuk Şahin, Səbri Sarıoğlu, Gökhan Gönül kimi sabiq futbolçular da iştirak etdi. Onlar bu ərazidə qurulmuş meydanda uşaqlarla futbol oynadılar. Daha sonra jurnalistlərin önünə çıxan Büyükekşi əsas xəbəri ictimaiyyətə açıqladı. O, iyulun 18-də federasiyada növbədənkənar seçkinin olacağını dedi:

Xatırladaq ki, daha öncə “Qaziantep”in başqanı olmuş 62 yaşlı Büyükekşi 2022-ci il iyunun 16-da keçirilən seçkidə 209 səsdən 158-ni toplayaraq federasiyanın prezidenti seçilmişdi. Düzdü, texnologiya və sistem baxımından Büyükekşi Türkiyə futboluna bəzi yeniliklər gətirdi. Üstəlik yığma komanda seçmə mərhələni uğurla başa vuraraq AÇ-2024-ə vəsiqə qazandı. Amma o, Türkiyə futbolunun “qanayan yarası” olan hakimliyi düzəldə bilmədi. Bu üzdən klubların böyük əksəriyyəti onun istefasını tələb edir. Özü də mümkün qədər tez. Hətta o qədər tez ki, klubların fikrincə, seçkinin iyulun 18-nə salınması düzgün deyil. Bu arada Türkiyə mətbuatının yazdığına inansaq, superliqa klubları rəsmi şəkildə imza toplamağa başlayıb. Səsvermə hüququ olanların 40 faizinin imzası toplansa, Büyükekşi 30 gün ərzində seçki keçirmək məcburiyyətində qalacaq. Klub rəhbərlərinin və xüsusilə də Klublar Birliyinin, eləcə də “Fənərbaxça”nın başqanı Əli Koçun fikrincə, Büyükekşinin seçkini məhz iyulun 18-nə təyin etməsi səbəbsiz deyil. Belə ki, həmin vaxta qədər AÇ-2024 başa çatacaq. Büyükekşi də Türkiyənin həmin turnirdə uğurlu çıxış edəcəyinə ümid edir. O, bunun sayəsində yenidən namizədliyini irəli sürərək vəzifədə qalacağını düşünür. Amma klublar bu ssenarinin baş verməsini istəmir. Şayiələrə inansaq, klub prezidentlərinin olduğu “vatsap” qrupunda 20 başqandan əvvəlcə 15-i seçkinin daha tez keçirilməsi üçün imza verməyə hazır olduğunu açıqlayıb. Amma nədənsə sonradan “Qalatasaray”la “Trabzonspor”un başqanları sözündən geri çəkildi. Hazırda 20 klubdan 13-ü mayın sonlarında və ya iyunun əvvəllərində seçki keçirilməsini istəyir. Bu arada deyilənə görə, TFF-nin sabiq 1-ci başqan vəkili, hazırda UEFA-nın idarə heyətinin üzvü olan Sərvət Yardımcı qarşıdakı seçkidə namizədliyini irəli sürəcək.