“Bilirsiz ki, bir müddət əvvəl bu vəzifəyə təyin olundum. İndiyə qədər müəyyən təhlillər apardıq. Yeni işlər görmək iqtidarındayıq. Nələri etdik, nəyi etməkdəyik, nəyi edə bilmədik və nə etmək istəyirik” kimi təhlillərlə müəyyən nəticələr əldə etməyə çalışırıq. Biz uşaqlara və yeniyetmələrə voleybolun bütün gözəlliklərini, eləcə də dünyada bu idman növünə olan marağı göstərmək istəyirik. Bu idman növünə marağı populyarlaşdırmalıyıq. Bəllidi ki, klublarda yerli idmançıların sayı kifayət deyil. Ona görə klublara xaricdən oyunçuların gətirilməsinə icazə veririk. Ancaq bu, limitlə olacaq. Yerli idmançıların sayının artırılması əsas hədəflərimizdəndi. Biz aşağı yaş qrupları üzrə iş aparmağı qarşımıza əsas məqsəd kimi qoymuşuq. Proses yalnız Bakıda yox, regionlarda da aparılır. Azərbaycan Voleybol Federasiyası tərəfindən gənclərin voleybola cəlb edilməsi istiqamətində artıq müəyyən işlər görülür. Artıq əminliklə deyə bilərik ki, regionlarımızda voleybol hərəkatına start verilib. Rayonlara müxtəlif sayda toplar və setkalar hədiyyə olunur".