Braziliyalı döyüşçü Makronu təhqir etdi
UFC-nin braziliyalı döyüşçüsü Renato Moykano fransalı Benua Sen-Deni üzərindəki qələbədən sonra zaldakı publikaya və Fransa prezidenti Emmanuel Makrona müraciət edib.
Bu döyüş sentyabrın 28-də Parisdə keçirilən UFC Fight Night 243 turnirində yüngül çəkidə baş tutub:
“Fransa, mən bura gəldim və Luvra, Zəfər tağına baş çəkdim, bütün bunlar gözəl yerlərdi. Deyə bilərəm ki, fransız xalqı gözəl xalqdı. Ancaq sizin hökumətiniz qorxuncdu. Makron cəhənnəm olsun! Bütün bu eybəcər qlobalistlər cəhənnəm olsun. Onlar siyasi və korrupsiyalaşmış proqramını irəli dürtməyə çalışırlar”.
Xatırladaq ki, Moykano bu döyüşdə texniki nokautla qalib gəlib. Sen-Deninin zədələnmiş üzünə baxan həkim onun 2-ci raunddan sonra mübarizəni davam etdirməsinə icazə verməyib.
Digər xəbərlər
