Kriştiano Ronaldonun səhhətində problem yaranıb.

“Əl-Nəssr”in hücumçusu və kapitanı Asiya Çempionlar Liqasında “Əl-Şorta” ilə matçı buraxacaq. Səudiyyə Ərəbistanı klubunun mətbuat xidmətinin məlumatına görə, 39 yaşlı hücumçuya virus infeksiyası diaqnozu qoyulub. Komandanın həkimi Kriştiaononun istirahətə ehtiyacı olduğunu və evdə qalmalı olduğunu bildirib.

Portuqaliyalı futbolçu komanda ilə İraqa getməyib. Qeyd edək ki, Çempionlar Liqasında “Əl-Şorta” ilə matç sentyabrın 16-da keçiriləcək.