Makqreqor İrlandiya prezidenti olmaq istəyir
Sabiq UFC çempionu Konor Makqreqor 2025-ci ildə İrlandiya prezidenti postuna namizədliyini irəli sürmək fikrindədi.
"Football-plus.az" xəbər verir ki, o, belə hesab edir ki, ölkəyə yalnız xalqın mənafeyi naminə çalışacaq fəal rəhbər lazımdı. Konorun sözlərinə görə, yeganə məntiqi seçim özüdü:
“Mən prezident kimi parlamenti çağıra və buraxa bilərəm. İrlandiya xalqının axtardığı bütün suallara cavab tapa bilərəm – işçilərdən qamarlayanlardan, ailə bağlarını dağıdanlardan, kiçik biznesin axırına çıxanlardan və s. və i.a. Rəhbər vəzifələrdə çalışan şarlatanlar İrlandiya xalqı qarşısında cavab verməli olardı”.
Hazırda İrlandiya prezidenti postunu 83 yaşlı Maykl Higgins tutur. 36 yaşlı Makqreqor isə UFC tarixində iki çempion kəmərinin sahibi olan ilk döyüşçüdü. O, MMA çərçivəsində keçirdiyi 28 döyüşün 22-də qalib gəlib, 6-da uduzub. İrlandiyalı oktaqona sonuncu dəfə 2021-ci il iyulun 11-də çıxıb, UFC 264 turniri çərçivəsində Dastin Porye ilə qarşılaşıb.
Digər xəbərlər
