Turan Tovuz - Səbail (Bakı) 1:0 (1:0)
1. İvan Konovalov - 5,0
4. Şəhriyar Əliyev (k) - 5,0
10. Xəyal Nəcəfov - 5,0
88. Faiq Hacıyev - 5,0
(7. İsmayıl Zülfüqarlı, 80) - qiymətsiz
13. Fərid Yusifli - 4,5
(8. Tural Bayramlı, 67) - 4,5
5. Roderik Miller - 5,0
(6. Araş Qaderi, 85) - qiymətsiz
23. Alexandro Serrano - 6,0
15. Emmanuel Hakman - 5,5
25. Denis Marandiçi - 5,5
80. Otto Con - 4,5
(9. Kristian da Silva, 67) - 4,5
21. Aleks Souza - 4,5
(11. Ayxan Quseynov, 85) - qiymətsiz
Ehtiyat oyunçular
71. Mehman Hacıyev
41. Sergey Samok
33. Eltun Turabov
44. Rüfət Əhmədov
77. Veysəl Rzayev
99. Sadiq Şəfiyev
20. İbrahim Ramazanov
Baş məşqçi: Kurban Berdıyev
Komandanın ən yaxşısı: Alexandro Serrano

1. Hüseynəli Quliyev - 5,5
74. Yusif Nəbiyev (k) - 4,5
(18. Süleyman Əhmədov, 85) - qiymətsiz
77. Fərid Nəbiyev - 4,5
20. Mərt Çelik - 5,0
11. Rüfət Abdullazadə - 5,0
19. Samir Abdullayev - 4,5
(17. Gülağa Əsədov, 65) - 4,5
8. Qorka Laruçça - 4,5
44. Amir Bilali - 4,5
3. Dmitri Litvin - 4,5
5. Gitay Sofir - 4,5
(83. Nihad Quliyev, 85) - 4,5
14. Suleyman Alluş - 4,5
(7. Madi Queta, 75) - 4,5
Ehtiyat oyunçular
12. Əlirza Müştəbazadə
6. Cabir Əmirli
15. Vüsal Məsimov
10. David Qomis
7. Madi Queta
Baş məşqçi: Şahin Diniyev
Komandanın ən yaxşısı: Hüseynəli Quliyev

Qol: A.Serrano, 34.
Vərəqələr: D.Litvin, 49 (qeyri-idman hərəkəti). F.Hacıyev, 78 (qeyri-idman hərəkəti). Ş.Əliyev, 80 (qeyri-idman hərəkəti). M.Çəlik, 80 (qeyri-idman hərəkəti). R.Abdullazadə, 86 (qeyri-idman hərəkəti) - sarı.
Hakimlər: RƏŞAD ƏHMƏDOV, Rəhman İmami, Cəmil Quliyev (hamısı Bakı), Rəvan Həmzəzadə (Şəki).
VAR hakimi: Elçin Məsiyev (Bakı).
VAR hakiminin köməkçisi: Asiman Əzizli (Bakı).
Hakim-inspektor: Asim Xudiyev (Bakı).
AFFA nümayəndəsi: Asif Əliyev (Bakı).
30 avqust. Tovuz. Şəhər stadionu. 5500 tamaşaçı (6500 yerlik).
Yalnız ikinci hissəyə 5 dəqiqə əlavə olunub.
Oyunun qiyməti: 6,5.

Qapısını toxunulmaz saxlamaqla yeni mövsümdə məğlubiyyət üzü görməyən “Turan Tovuz” bu dəfə də meydana qələbə niyyəti ilə çıxmışdı. “Səbail” də öz növbəsində xal ehtiyatını artırmaq üçün səfərdən əliboş dönmək istəmirdi. Hər iki tərəf yetərincə iddialı olduğuna görə qarşılıqlı mübarizə şəraitində keçəcək bir oyun gözləyirdik.

Artıq 3-cü dəqiqədə qonaqlar ilk təhlükəli vəziyyəti yaratdı. Künc zərbəsindən sonra Rüfətin cərimə meydançasına göndərdiyi ötürməyə Yusif istədiyi kimi toxuna bilmədi. Bir qədər sonra Alluş uzaq məsafədən qeyri-dəqiq zərbə ilə yadda qaldı. Oyunun 8-ci dəqiqəsində Aleks tovuzluların ilk təhlükəli vəziyyətini yaratdı. Fəqət hücumçunun zərbəsi qapıdan yan keçdi. 18-ci dəqiqədə Serranonun qapı önünə ötürməsi yetərincə təhlükəli alındı. 24-cü dəqiqədə Serrano özü uzaq məsafədən “çərçivə”ni yoxlamaq istəsə də, zərbəsi qapıdan yan keçdi. Cəmi 2 dəqiqə sonra qonaqların qapısı önündə ən real qol vəziyyəti yaradıldı. Cərimə zərbəsi zamanı Marandiçinin qapı önünə göndərdiyi asmanı öncə Şəhriyar “çərçivə”yə göndərmək istəsə də, hədəfdən yayındı, ardından Hakmanın qüvvətli vuruşunu Hüseynəli dəf etdi. Davamında Ottonun baş zərbəsi qapının üstündən keçdi. Hücumların sayını artıran meydan sahibləri 34-cü dəqiqədə qol istəyinə çatdı. Yenə Marandiçinin cərimə meydançasına göndərdiyi topa Hakmanın başla zərbəsi bloklandı. Geri dönən topa Serranonun endirdiyi vuruşun qarşısını almaq mümkün olmadı - 1:0. Qoldan bir qədər sonra Serrano dubl etməyə yaxın idi. Aleksin ötürməsindən sonra onun “çərçivə”yə yönəltdiyi topu Hüseynəli dəf etdi.

İkinci hissəyə meydan sahibləri fəal başlasa da, tədricən təşəbbüs Bayıl təmsilçisinə keçdi. 62-ci dəqiqədə Fəridin topu itirməsindən sonra Samir az qala hesabı bərabərləşdirəcəkdi. Lakin o, hədəfə düşə bilmədi. 66-cı dəqiqədə isə Bilalinin uzaq məsafədən qüvvətli zərbəsi kifayət qədər təhlükəli alındı. 73-cü dəqiqədə Hüseynəli “dənizçilər”I daha bir real qoldan xilas etdi. O, kornerin ardından Serranonun başla zərbəsini gözəl seyvlə zərərsizləşdirdi. Məğlubiyyətlə barışmayan Diniyevin yetirmələri son dəqiqələrində təzyiqi bir qədər də artırdı. 90+1-ci dəqiqədə qapı önündəki qısa hava ötürmələrinin ardından Quetanın zərbəsini Hakman blokladı. Son saniyələrə qədər meydanda gərgin mübarizə getsə də, tablodakı rəqəmlər dəyişmədi.

Beləliklə, “Turan Tovuz” ardıcıl 4-cü qələbəsini qazanmaqla yanaşı, 5-ci oyunda da qapısını toxunulmaz saxlamağı bacardı. “Səbail” isə yeni mövsümdə 3-cü məğlubiyyətini aldı.

Gözdən qaçmadı
* 62-ci dəqiqədə Kurban Berdıyev futbolçularının səhvlərini görüb, ona ayrılan texniki zonanı tərk edərək, bir neçə metr meydançanın içinə doğru hərəkət etdi. 
* Oyun bitən kimi Şahin Diniyev Madi Quetaya yaxınlaşaraq ona nəyisə izah etməyə çalışdı.

KAMAL SƏFƏR