Sumqayıt - Araz-Naxçıvan 0:1 (0:0)
1. Mehdi Cənnətov - 5,5
6. Vüqar Mustafayev (k) - 6,0
14. Elvin Bədəlov - 5,0
10. Rəhim Sadıxov - 5,0
2. Sərtan Taşkın - 5,0
(60. Tresor Mossi, 76) - qiymətsiz
7. Rövlan Muradov - 5,5
17. Murad Xaçayev - 5,0
8. Səbuhi Abdullazadə - 5,0
11. Fernando Medeyros - 4,5
(99. Silvanus Nimeli, 58) - 5,0
9. Nikola Vuynoviç - 4,5
(30. Kamran Quliyev, 58) - 5,0
23. Cordan Rezabala - 5,0
Ehtiyat oyunçular
36. Xəyal Fərzullayev
56. Aftandil Arixov
21. Nihad Əhmədzadə
24. Sənan Muradlı
3. Slaviça Radoviç
Baş məşqçi: Samir Abasov
Komandanın ən yaxşısı: Vüqar Mustafayev

12. Kristian Avram - 6,0
34. Urfan Abbasov - 5,5
3. Bəxtiyar Həsənalızadə - 5,5
6. Vadim Abdullayev (k) - 5,5
26. Ömər Buludov - 5,0
(2. Slavik Alxasov, 23) - 5,5
16. Ramon Maçado - 5,5
29. Vanderson Melo - 5,5
23. Nuno Rodriges - 5,5
14. Miço Kuzmanoviç - 7,0
(7. Ülvi İsgəndərov, 85) - qiymətsiz
4. İqor Ribeyro - 6,0
97. Felipe Santos - 6,5
(10. Bernardo Dias, 75) – 5,5
Ehtiyat oyunçular
94. Tərlan Əhmədli
22. Elçin Mustafayev
20. Turan Vəlizadə
88. Tuqay Əlizadə
11. Bayraməli Qurbanov
24. Mustafa Əhmədzadə
57. Elcan Məmmədov
Məşqçi: Rasim Ramaldanov
Komandanın ən yaxşısı: Miço Kuzmanoviç

Qol: M.Kuzmanoviç, 56 (F.Santos).
Vərəqələr: T.Əhmədli, 23 (hakimin qərarına etiraz). B.Həsənalızadə, 28 (hakimin qərarına etiraz). N.Rodriqes, 28 (hakimin qərarına etiraz). R.Muradov, 59 (qeyri-idman hərəkəti). V.Melo, 74 (qeyri-idman hərəkəti). Ü.İsgəndərov, 90 (qeyri-idman hərəkəti). C.Rezabala, 90 (qeyri-idman hərəkəti) - sarı.
Hakimlər: CAVİD CƏLİLOV, Müslüm Əliyev, Kamran Bayramov, Kamran Əliyev (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Namiq Hüseynov (Bakı).
Hakim-inspektor: Ramil Diniyev (Bakı).
AFFA nümayəndəsi: Namiq Əliyev (Bakı).
30 avqust. Sumqayıt. Mehdi Hüseynzadə adına şəhər stadionu. 1500 tamaşaçı (9502 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 6,0.

Görünür, Samir Abasovun bildiyi nəsə varmış. Yoxsa ötən həftə Masazırda "Sabah"a uduzan "Sumqayıt"ın baş məşqçisi mətbuat konfransında "Araz-Naxçıvan"la oyun daha çətin olacaq" deməzdi. Sən demə, mütəxəssis komandasının böhran yaşadığını hiss edib. Sadəcə, bunu etiraf etmək əvəzinə yorğunluq bəhanəsinə sığınır. Belə deyilsə, Muxtar Respublika təmsilçisi çox güc sərf etmədən, hətta cəmi bir neçə qol vəziyyəti yaratmaqla 3 xalı necə qazandı?!

Bəli, "qırmızı-ağlar" turnir cədvəlindəki mövqeyini səfər qələbəsiylə yaxşılaşdırdı. İlk dəqiqələrdən üstün oyunla diqqəti çəkən qonaqların ilk təhlükəli vəziyyəti də özünü çox gözlətmədi. Santosun ötürməsindən sonra "çərçivə"ni nişan alan Maçadoya Mehdi mane olmasaydı, hesab artıq 7-ci dəqiqədə açılacaqdı. Lakin top qolkiperin seyviylə tirin üzərindən keçdi. "Kimyaçılar"ın cavab həmləsi də uğursuz alındı. Rəhimin qapı önünə göndərdiyi topu nə Sərtan, nə də Medeyros qarşılaya bildi. 17-ci dəqiqədə Rəhimlə mübarizədə zədələnən Ömər meydanı tərk etməli oldu. Belədə onu Slavik əvəzlədi ki, dəyişiklik "qırmızı-ağlar"ın təzyiqinin azalmasıyla müşayiət edildi. İş orasındadı ki, qonaqların bəxtsizliklə üzləşməsi və oyun planındakı dəyişiklik "Sumqayıt"ın dirçəlməsiylə nəticələnmədi. Düzdü, "kimyaçılar" indi daha çox irəliləyə bilirdi. Amma qeyri-dəqiq ötürmələr və qapıya zərbələr bütün əziyyəti puç edirdi.

Detallı danışsaq, 28-ci dəqiqədə Rəhim Rövlanın ötürməsini doğru dəyərləndirə bilmədi. Hücumçu həlledici zərbə üçün gecikməklə yanaşı, qeyri-dəqiq oldu. Ardından əks-hücuma keçən qonaqlar hesabı aça bilərdi ki, Santos Elvinin müdaxiləsiylə topu itirdi. Bir qədər sonra Bəxtiyarın kobud səhvi qeydə alındı. Burda az qala Medeyros Avramla təkbətək qalacaqdı. Lakin Həsənalızadənin mübarizəyə davam edib “günahını yuması”, daha doğrusu, topu meydandan uzaqlaşdırması hesabın açılmasına əngəl oldu. 38-ci dəqiqədə "Araz-Naxçıvan" 6 futbolçuyla hücuma keçsə də, Vadimin qapıya keyfiyyətsiz zərbəsiylə tamamlanan təhlükəli vəziyyət qolla nəticənmədi. Hər halda, topa yiyələnmək Mehdi üçün çətin olmadı. Qısası, birinci hissədə baxımlı oyun izləyə bilmədik.

Qonaqların ikinci hissəyə daha inamlı start verməsi məqsədə çatmağa zəmin yaratdı. Bir qədər əvvəlki epizodda Urfanın qeyri-dəqiq zərbəylə yadda qalmasına, Avramın Rövlanın cəhdini dəf etməsinə baxmayaraq, ruhdan düşməyən naxçıvanlılar 56-cı dəqiqədə hesabı açdı. Rövlan topu itirdi, Santos ötürdü və Kuzmanoviç komandasını önə keçirdi. Ardından "Sumqayıt" hesabı bərabərləşdirmək üçün irəli atıldı. 71-ci dəqiqədə Kamran Səbuhinin qapı önünə göndərdiyi topu qeyri-dəqiqlik üzündən tora qovuşdura bilmədi. Rövlana isə Avram mane oldu. 81-ci dəqiqədə qonaqların qapıçısı yenə inamlı oynadı. O, bir-birinin ardınca Rəhimin və Rezabalanın zərbələrini dəf etdi.

Beləliklə, "Sumqayıt" mövsümün ilk ev məğlubiyyətini yaşadı. "Araz-Naxçıvan" isə bu qələbə sayəsində 3-cü pilləyə yüksəldi.

Gözdən qaçmadı
* "Sumqayıt"ın heyətində 100-cü oyununu keçirən Mehdi Cənnətov klub prezidenti Riad Rəfiyev tərəfindən xüsusi plaketlə mükafatlandırıldı.
*"Araz-Naxçıvan"ın baş məşqçisi Elmar Baxşıyev "Neftçi"ylə matçda "qırmızı" aldığından oyunu tribunadan izlədi.
* Kamal Quliyev də matçı stadiondan izləyən arasındaydı.
* "Ultras Sumqayıt" və "Kimyaçılar" tribunadaydısa, "Araz Naxçıvan"ın "Sektor 85"i yox idi.
* Samir Abasovun köməkçisi Vəfadar Quliyev hakimin qərarına etiraz etdiyinə görə 50-ci dəqiqədə "sarı" aldı.

KƏNAN BAHADIR