"Hansısa problemdən söhbət getmir. Bilindiyi kimi, biz Paris-2024-ün də rəsmi yayın hüququna malikik.Həmin saatda ABŞ və Serbiya basketbol yığmaları arasında yarımfinal oyunu keçirildi. Ölkəmizdə bu matça marağın daha böyük olduğunu gördük. Çünki sözügedən oyun ən çox müzakirə olunan idman hadisələrindən biri idi. Belədə "İdman” TV ilə əlaqə saxladıq və "Sent Patriks" - "Sabah" qarşılaşmasını yayınlamalarıyla bağlı razılığa gəldik. Bizimlə əməkdaşlıq etdikləri üçün telekanala təşəkkür edirik. Ümumiyyətlə, "Sabah"ın avrokubok matçlarının yayın hüququ bizə məxsusdu. Yəni cavab görüşü həm televiziya, həm də "yutub" kanalımızın efirində yayınlanacaq".

"Biz oyun yerindən ötürülən siqnalları efirə yönəldirik. Matç Bakıdan şərh edildi. Məncə, hansısa çatışmazlıq olmadı. İstər səs, istərsə də görüntü səviyyəsi normal idi".