"Sabah" heyətini yeni futbolçuyla gücləndirib. "Football-plus.az"ın əldə etdiyi məlumata görə, Masazır təmsilçisi İqor Noqeyra ilə ortaq məxrəcə gəlib.

Mərkəz müdafiəçisinin adı "bayquşlar"ın Konfrans Liqası üçün iştirak ərizəsinə də salınıb. Yəni tezliklə onu həm Misli premyer-liqasında, həm də avrokubok oyunlarında iş başında görəcəyik.

Noqeyra "Sabah"a "Şaviş"dən (Portuqaliya) keçib. O, daha əvvəl "Fluminense", "Fiqueyrense, "Yuventuda", CRB (hamısı Braziliya) "Gent" (Belçika), "Jil Visente" (Portuqaliya), "Mazatlan" (Meksika) klublarının formasını geyib.

"Transfermarkt"a görə, futbolçunun qiyməti 400 min avrodu. İqor "Sabah"da 14 nömrəli formanı geyəcək.

Xatırladaq ki, "Sabah" "Makkabi" ilə oyundan sonra məhz müdafiə xəttinin zəifliyinə görə çox tənqid olunmuşdu.

KƏNAN BAHADIR