“Atletiko” heyətinə yeni futbolçu qatıb.

“Football-plus.az” xəbər verir ki, Madrid klubu “Real Sosyedad”dan 27 yaşlı müdafiəçi Robin Le Normanın transfer olunduğunu rəsmən bəyan edib. Bir neçə gün əvvəl tanınmış insayder Fabritsio Romano “Real Sosyedad”ın bu transferə görə 30 milyon avroya alacağını bildirmişdi. Le Norman bu komandada 2016-cı ildən oynayırdı. O, ötən mövsüm bütün turnirlərdə 43 oyun keçirib və 2 qol vurub. Robinin “Real Sosyedad”la müqaviləsi 2026-cı ilin yayına qədər qüvvədə olacaqdı.

Qeyd edək ki, Le Norman ötən ay İspaniya yığması ilə Avropa çempionatının qalibi olub.