“Təbii ki, mən də gələcəkdə baş məşqçi kimi çalışmaq niyyətindəyəm. Amma hazırda Fatih hoca ilə birlikdəyəm. Hər şeyi ondan öyrənmək mənim üçün gözəldi. Məndən əl çəkənə qədər onun yanında qalacam. Çoxları “Terimlə işləmək çətindi” deyir. Amma məncə, əksinə, asandı. Keçmişlə bağlı xatirələri yada salır və onlardan da bəzi şeylər öyrənirsən. Zatən biz bir ailəyik. 2004-dən bəri onunla birlikdəyəm. Onun qazandığı uğurların dörddəbirini qazana bilsəm, mənim üçün yetərlidi. Bir dəfə skautlarımızdan bizə Holannla bağlı təklif gəldi. Onu izlədik və heyran qaldıq. Həmin vaxt cəmi 17 yaşı var idi. Fatih hoca “köməkçilərim olaraq gedin, canlı izləyin” dedi. Biz də “Molde”nin stadionuna getdik. Bəlkə də həmin an stadionda 70-80 skaut var idi. “Real”, “Barselona”, “Yuventus”, “Mançester Yunayted”... Ağlınıza gələn bütün böyük klubların skautları orda idi. 10 dəqiqə izlədik və Holann 2 qol vurdu. Dərhal Terimə zəng vuraraq “bu futbolçunu mütləq almalıyıq” dedik. Bizə 8 milyon avroya başa gələcəkdi. Təəssüf ki, həmin vaxt “maliyyə feyr-pleyi”nə görə bizə cəza verildi və bu üzdən ala bilmədik. Amma indi belə sıxıntı yoxdu. Ona görə də hətta 20 milyon avroya da oyunçu almaq olur. “Panatinaikos” çox çətin futbol iqlimi olan bir klubdu. Biz türkük, onlar isə yunan. İşin içinə futbol girincə, məsələ daha da sərtləşir. Səni türk olduğun üçün sevmirlər. Ona görə də yalnız uğur qazanmaq məcburiyyətindəsən. Hər şey yaxşı gedirdi. Amma sonda prezidentləri qorxdu və ona qarşı çox etiraz olduğunu söylədi. Kubokun finalına yüksəldik. Orda qalsaydıq, yeni mövsümdə yüz faiz çempion olacaqdıq. Çünki artıq çempionatı yaxından tanıyırdıq. Amma məşqçimiz qalacağımız təqdirdə problem yaşayacağımızı söylədi. Ona görə də ayrıldıq”.