Misli premyer-liqasında 2024/25 mövsümünün təqvimində dəyişiklik olub.

"Football-plus.az" xəbər verir ki, bu barədə Peşəkar Futbol Liqasının rəsmi saytı məlumat yayıb.

1-ci turun "Şamaxı" - "Sabah" oyunu ilə 18-ci turun "Sabah" - "Şamaxı" matçının yeri dəyişdirilib. Paytaxt təmsilçisi bununla bağlı PFL-ə rəsmi müraciət ünvanlayıb, bölgə klubu isə buna razılıq verib. Bu, Bakı klubunun Konfrans Liqasında 3-cü təsnifat mərhələsinə daha yaxşı hazırlaşması məqsədi ilə edilib. "Bayquşlar" bu raundda "Sent-Patriks Atletik" (İrlandiya) ilə üz-üzə gələcək.

Qeyd edək ki, avqustun 4-də keçiriləcək 1-ci turun "Sabah" - "Şamaxı" görüşü saat 17.30-da başlayacaq.