Bir neçə gün əvvəl Keylor Navasın İtaliyada özünə yeni klub tapması haqda xəbər yayılmışdı.

“Football-plus.az” məşhur kosta rikalı qapıçı barədə məlumat verən Fabritsio Romano 37 yaşlı futbolçunun “Montsa”ya keçməyə yaxın olduğunu bildirmişdi. Məşhur insayder tərəflərin razılığa gəldiyini və müqavilənin tezliklə imzalanacağını qeyd etmişdi. Lakin danışıqlar prosesinin sonunda anlaşma mümkün olmayıb. “Montsa” bundan sonra istiqaməti hazırda azad agent olan portuqaliyalı qapıçı Ruy Patrisioya yönəldib.

Qeyd edək ki, Kosta Rika yığmasının sabiq oyunçusu olan Navas iyulun əvvəlində azad agent kimi PSJ-dən ayrılıb. O, əvəllər “Levanter”, “Real” və “Nottingem Forest”də də çıxış edib.