Artıq 8,8 milyon bilet satılıb
Cümə günü Parisdə növbəti Yay Olimpiya Oyunları start götürəcək.
Beynəlxalq Olimpiya Komitəsinin (BOK) idman direktoru Kit Makkonnell indiyə qədər nə qədər bilet satıldığını elan edib:
“Artıq 8,8 milyondan çox bilet satılıb. Qeyri-adi rəqəmdi, indiyə qədər Fransada keçirilən heç bir idman tədbirində bu qədər bilet satılmayıb”.
Makkonnell onu da bildirib ki, Oyunların təhlükəsizliyini təmin etmək üçün müxtəlif xidmətlərin 30 minə yaxın əməkdaşı çalışır, Olimpiya kəndində artıq 166 nümayəndə heyəti qeydiyyatdan keçib.
Bu arada Roma Papası Fransisk növbəti dəfə olimpiya barışığı ilə bağlı çağırış edib. Bu çağırışı BOK-un iyulun 19-da olimpiya barışının start götürdüyünü elan etməsinin davamı kimi də qiymətləndirmək olar. Papanın çağırışında deyilir:
“Bu həftə Parisdə Olimpiya Oyunları başlayacaq. İdmanın vacib sosial funksiyası var, o, müxtəlif mədəniyyətlərin daşıyıcısı olan adamları birləşdirməyə qadirdi. Qoy bu, can atmalı olduğumuz sülh üçün əsas olsun. Oyunlar sülhə can atmağın ifadəsinə çevrilməlidi. Müharibə həmişə məğlubiyyətdi”.
BOK-un kommunikasiyalar üzrə direktoru Mark Adams bir neçə gün əvvəl deyib ki, təmsil etdiyi qurum Paris Olimpiadası vaxtı planetdəki bütün münaqişələrin dayanacağına inanmaq dərəcəsində sadəlövh deyil. Onun dediyinə görə, olimpiya atəşkəsi daha çox rəmzi aktdı.
