“Sabah”ı bu addıma sövq edən nə olub? – klub rəsmisi izah etdi
Bilindiyi kimi, “Sabah” hazırlıq planında dəyişiklik edib.
Masazır təmsilçisi sabah Sloveniya toplanışını başa vurandan sonra Bakıya yox, “Makkabi” ilə Konfrans Liqasının 2-ci təsnifat mərhələsinin ilk oyununun keçiriləcəyi Macarıstana yollanacaq.
Bunun səbəbini öyrənmək məqsədilə klubun mətbuat xidmətinin rəhbəri Elnur Həmidovla danışdıq. Onun “Football-plus.az”a dedikləri:
“Uzun yolun komandada yarada biləcəyi yorğunluğun və vaxt itkisinin qarşısını almaq üçün belə addım atdıq. Futbolçuların vacib oyuna daha yaxşı hazırlaşmasını arzulayırıq. Bu məqsədlə Sloveniyadan birbaşa Macarıstana yola düşəcəyik. Məşqləri Budapeştdə davam etdirəcəyik. Oyundan bir gün öncə Kişvardaya yollanmaq niyyətindəyik”.
Xatırladaq ki, “bayquşlar” iyulun 25-də Hayfa “Makkabi”sinin qonağı olacaq.
KƏNAN BAHADIR
Digər xəbərlər
