"Araz-Naxçıvan"a ötən ilin yayında qoşulan Miço Kuzmanoviç son mövsüm və “Araz-Naxçıvan” barədə “Football-plus.az”ın suallarını cavabladı.

- Miço, hazırlıq necə gedir ?
- Hələ tam hazır deyilik. Ərzurumda hazırlığı yekunlaşdıracağıq. Ümidvaram ki, növbəti mövsümə tam hazır səviyyədə start verəcəyik.

- Qarşıdan gələn mövsümdən nə gözləyirsən?
- Bir neçə yeni oyunçumuz var. Heyətimiz çox dəyişilib. Hər halda, yüksək yerlər uğrunda mübarizə aparmağa çalışacağıq.

- Bildiyimə görə, təkliflər var idi. Bəs səni “Araz-Naxçıvan”da saxlayan əsas amil nə oldu?
- Bəli. Gələcək üçün bəzi maraqlı təkliflərim var. Təklif alanda rəhbərlik və Elmar Baxşıyev ilə ətraflı danışdım. Məşqçinin də mənə ümidi var. Daha yaxşı çalışıb, növbəti mövsüm özümü başqa formada göstərməyə qərar verdim.

- Gələcəyini "Araz- Naxçıvan"da görürsənmi?
- Ötən il birinci il idi. İnanıram ki, irəlidə daha da yaxşı olacam. Çox şey dəyişdi. Futbolda heç vaxt hər şeyi əvvəlcədən bilmək olmur. Hər şey mümkündü, niyə də yox?!

- Baş məşqçi dəyişikliyini necə qarşıladın, buna uyğunlaşa bilmisənmi?
- Məşqçinin öz üslubu, taktikası var. Bunların üzərində çalışır. Bizə gələcək planları barədə məlumat verir. Öz növbəmizdə baş məşqçinin tapşırıqlarını yerinə yetirməyə çalışacağıq.

- Azər Bağırovla Elmar Baxşıyevi necə müqayisə edərdin?
- Azər müəllim birinci liqadan elitaya komanda yüksəkdən məşqçidi. Premyer-liqada debütü “Araz-Naxçıvan”a təsadüf etdi. Elmar müəllimin isə bu baxımdan təcrübəsi böyükdü. Premyer-liqadan əlavə Avropa Liqası da görüb.

- Azarkeş dəstəyinin zəif olması sənin üçün çətinlik yaradır?
- Biz də istərdik ki, stadionda 12-ci oyunçu olsun. Stadion nə qədər dolu olsa, bizə də yaxşı təsir edər. Amma bu problem bizlik deyil. Onların dəstəyi bir başqa motivasiya verir. Azarkeşlər olmadan oynamaq bziə çətindi.

- Premyer-liqada dəyişikliklər çox oldu. Komandanı hansı pillədə görürsən?
- Ötən mövsüm premyer-liqada ilk ilimiz idi. Yeni oyunçular da çox idi. “Araz-Naxçıvan”ı komanda kimi hamı tanımırdı. Qarşıdakı mövsüm isə daha çox şansımız var. Bəlkə daha da yuxarı pillələrə qalxa bilərik.

RÖYANƏ OĞUZ