“Əslində çempionatın qış fasiləsi zamanı Barış Şimşəyin istefası gözlənilirdi. Çünki hakimliklə bağlı problemlər hamını boğaza yığmışdı. Gündən-günə vəziyyət pisləşirdi. Baxmayaraq ki, VAR sistemi müdaxilə edirdi. Birmənalı şəkildə yerli namizədi uyğun görürəm. Çünki əcnəbilərdəm başımız çox ağrıdı. Onlar hakimliyi pis günə qoydular. Hər halda, Stuxliki gətirən Elxan Məmmədov başqa məqsədlər güdürdü. Hakimlər Komitəsinə birmənalı şəkildə yerli rəhbər lazımdı. Bu sahədə yetərincə boşluqlar var. Hakimlərlə heç bir metodiki iş aparılmır. Soruşa bilərsiz ki, hardan bilirsiz aparılmır? Çempionat ərzində idarəçilik bunlari deməyə əsas verir. Futbol qaydalarını hərə istədiyi kimi tətbiq edirdi. Metodiki planda geriləmə var. Çünki komitə sədri həddən az diqqət ayırırdı. Yalnız sistematik təyinatlar verməklə keçinirdi. Bu da yolverilməzdi. İlk növbədə hakimlərin təhsilinin artırılmasına çalışılmalıdı. Düz bir aydan sonra çempionat başlayacaq, hakimlər başlı-başına qalıb. Adətən, bu vaxt hakimlər ya toplantida olur, ya da məşğələlərə başlayırdı. Bunların heç biri görünmür. Çox gecikirik. Bu gedişlə ötənilkindən daha çox səhv görəcəyik. Təcili komitəyə rəhbər təyin edilməlidi. Kifayət qədər yerli namizəd var. Heç olmaya, yarım il ona vaxt verilsin. Yaxşı olsa, davam etsin. Yoxsa yenə əcnəbi gələcəksə, mən yaxşı heç nə görmürəm”.