Türkiyənin 1-ci liqa təmsilçisi "Kocaelispor"un növbıti mövsüm üçün hədəfinin superliqaya yüksəlmək olduğunu xəbər vermişdik. Ramil Şeydayevin şərəfini qoruduğu komanda heyətini gücləndirməyə davam edir.

"Football-plus.az" "Özgür Kocaeli" nəşrinə istinadla xəbər verir ki, klub bu dəfə "qol kralı" transfer etmək niyyətindədi. Belə ki, "Kocaelispor" "Eyupspor"un futbolçusu Canni Bronoya təklif göndərib. 32 yaşlı mərkəz hücumçusunun dəvəti qəbul etmək niyyətində olduğu iddia edilir.

Bildirək ki, Brono ötən mövsüm meydana çıxdığı 34 oyunda 17 qol, 5 məhsuldar ötürmə ilə yadda qalıb. Keçid reallaşarsa, Ramilin arxa planda qalacağı da istisna deyil.

KƏNAN BAHADIR