“Komandamdan razı qaldım, əzmkar oyun nümayiş etdirdik. İlk hissədə 1:0 öndəydik və yalnız “Sabah” var idi. İkinci yarıda isə “Sabah”, “Qarabağ” və hakimlər var idi. Penalti epizodunda və 2-ci qolda hakim haqsız qərarlar verdi. İlk hissədə hakimin normal oyun idarə etməsinə baxmayaraq, ikinci yarıda nəsə oldu. Gördü ki, “Qarabağ”ın bizə gücü çatmır, qərarları rəqibə tərəf dəyişdi. Uşaqlarımız əziyyət çəkir. Komandam beynəlxalq turnirlər də daxil olmaqla, 32 oyundu komandam məğlub olmur. Finalda hakimin köməyi ilə komandamı uduzdurdular. Matçın qırılma nöqtəsi ikinci yarı başlayan kimi hakimin “nöqtə”ni göstərməsi oldu. Mənim narazı qaldığım yeganə adam hakimdi. Referi matçı düzgün idarə etsəydi, qələbə qazana bilərdik. Ümumi götürsək, komandamdan çox razı qaldım. Çempionluğa layiq bir komandadı. Qismət isə belə oldu. Hakimə görə turniri belə nəticə ilə başa vurduq. Penalti epizodunda mənim futbolçum meydançadakı 2-ci topu kənarlaşdırır. Artıq top meydanda olduğu halda, hakim oyunu dayandırmır. Həmin bu epizod da gəlib qol ilə nəticələnir. Uşaqlarımın əziyyəti yerdə qaldı. Bizim qazanacağımız bu uşaqlardı. Futbolçuları belə sındırmaq olmaz. Komandamdakı 8-10 oyunçunu milli komandaya vermişəm. Bunun özü böyük göstəricidi”.