Misli premyer-liqasının 2022/23 mövsümü ilə bağlı statistik məlumatları diqqətinizə çatdırırıq. Bu yazı ilə araşdırmaya yekun vuracağıq. Bu dəfə həm komandalar, həm futbolçular, həm də hakimlər ilə bağlı məqamlara toxunmağı lazım bildik.

“Sabah” ilk hissədə, “Qarabağ” fasilədən sonra

Son mövsüm keçirilən 180 oyunda ümumilikdə 475 qol vurulub. Qeydə alınan topları 1-45, 45+, 46-90, 90+ hissələrə bölsək, ən çox fərqlənmə 2-ci hissədə qeydə alınıb. Bu müddətdə futbolçular ümumilikdə 255 qol vurub. Birinci hissədə ən çox fərqlənən komanda “Sabah”dı. “Bayquşlar” bu müddətdə 33 qol vurub. İkinci yarıda rəqibləri ən çox məyus edən kollektiv isə son çempion “Qarabağ”dı. Ağdamlılar fasilədən sonra ümumilikdə 61 qol vurub.

1 2 3 4 5 6
Qarabağ 28 2 56 5 91
Sabah 31 2 34 8 75
Neftçi 21 1 40 1 63
Qəbələ 23 2 19 3 47
Zirə 16 0 27 2 45
Turan Tovuz 18 1 16 1 36
Kəpəz 15 3 15 1 34
Səbail 10 0 18 4 32
Sumqayıt 11 0 14 1 26
Şamaxı 9 0 16 1 26
1 – komanda, 2 - 1-45, 3 - 45+, 4 - 46-90, 5 - 90+, 6 - cəmi.

“Sumqayıt” fasilədən sonra daha çox məyus olub

Misli premyer-liqasının son mövsümü qəribə oldu. Son pillədə “Şamaxı” qərarlaşsa da, “şirlər” turnirin ən çox qol buraxan komandası deyil. Bu statistikada “uğur” “Sumqayıt”a məxsusdu. “Kimyaçılar”ı rəqibləri 70 dəfə məyus edib. “Sumqayıt” həm ilk, həm də ikinci yarıda ən çox üzülən komandadı. Mövsüm ərzində 1-ci hissədə qapısında 28, fasilədən sonra isə 42 dəfə qol görüb.

1 2 3 4 5 6
Sumqayıt 26 2 38 4 70
Kəpəz 24 2 31 5 62
Səbail 22 2 35 3 62
Şamaxı 25 1 24 2 52
Turan Tovuz 24 0 23 2 49
Qəbələ 11 0 33 3 47
Zirə 14 2 28 2 46
Neftçi 15 2 19 2 38
Qarabağ 9 0 15 1 25
Sabah 11 1 10 2 24
1 – komanda, 2 - 1-45, 3 - 45+, 4 - 46-90, 5 - 90+, 6 - cəmi.

Qapıçıların qol vurmadığı mövsüm

Qol futbolun bəzəyidi. Komandalar qələbə qazanmaq üçün daha çox fərqlənməyə çalışır. Mövqeyindən asılı olmayaraq, oyun zamanı hamı qol vurmağa çalışır. Misli premyer-liqasının 2022/23 mövsümündə ən çox hücumçular fərqlənib. 269 qolu məhz ön xətt oyunçuları vurub. Yarımmüdafiəçilər mövsüm ərzində 127 dəfə fərqlənib. 61 qolu isə müdafiəçilər vurub. Təəssüf ki, ötən mövsüm premyer-liqada qapıçının fərqlənməsinə şahidlik etmədik.

1 2 3 4 5
Qarabağ 8 20 57 6
Sabah 5 18 51 1
Neftçi 7 29 25 2
Qəbələ 5 15 24 3
Zirə 10 5 27 3
Turan Tovuz 9 11 16 0
Kəpəz 4 8 21 1
Səbail 1 12 19 0
Sumqayıt 6 3 15 2
Şamaxı 6 6 14 0
1 – komanda, 2 - müdafiə, 3 - yarımmüdafiə, 4 – hücumçu, 5 - avtoqol

Tural Qurbanov ən çox vərəqə paylayan hakimdi

Hakim futbolda ədaləti təmin edən şəxsdi. 2022/23 mövsümündə premyer-liqada VAR-dan istifadə olundu. Buna rəğmən, referilərlə bağlı narazılıqlar yaşandı. 2022/23 mövsümünün oyunlarını 17 baş hakim idarə edib. Onlardan üçü daha çox – hərəyə 16 matçda ədaləti qoruyub. Mövsümün liderləri Əliyar Ağayev, Fərid Hacıyev və Tural Qurbanovdu. Elçin Məsiyevlə Rəşad Əhmədov hərəyə 15, Rəvan Həmzəzadə 14 dəfə meydana baş hakim kimi çıxıb. 12 referi 10 və ya daha çox matçda söz sahibi olub. Üç hakim isə yalnız bir qarşılaşmanı idarə edib. Bir mövsümdə 17 baş hakimin meydana çıxması son 12 ilin rekordudu. Daha yüksək göstərici sonuncu dəfə 2010/11 mövsümündə yaşanıb. Həmin vaxt 19 ədalət təmsilçisi baş hakim kimi təyinat alıb. Sonrakı mövsümlərdə bu rəqəm aşağı olub. Ötən “futbol ili”ndə ən çox sarı vərəqə göstərən hakim isə Tural Qurbanovdu. O, 72 dəfə bundan yararlanıb. “Qırmızı”dan daha çox istifadə edən referi isə Nicat İsmayıllı olub. Referi 8 dəfə futbolçuları meydandan qovub. Fərid Hacıyev isə 8 dəfə penalti təyin edərək mövsümün rekorduna imza atıb.

1 2 3 4 5 6
Əliyar Ağayev 16 62 - 4 4
Fərid Hacıyev 16 53 1 1 8
Tural Qurbanov 16 72 2 2 2
Rəşad Əhmədov 15 62 1 3 4
Elçin Məsiyev 15 58 1 2 4
Rəvan Həmzəzadə 14 46 - 2 1
İnqilab Məmmədov 13 60 2 5 5
Rauf Allahverdiyev 13 54 2 1 1
Rauf Cabbarov 12 54 - 1 4
Kamal Umudlu 11 54 - 1 6
Cavid Cəlilov 11 32 - 1 2
Nicat İsmayıllı 10 48 4 4 -
Kamranbəy Rəhimov 8 40 - - 7
Vüqar Həsənli 7 31 1 - 2
Əli Əliyev 1 1 - - -
Emin Əliyev 1 6 - - 1
Kamran Əliyev 1 5 - - -
1 – hakim, 2 – oyun, 3 – sarı, 4 - sarı+qırmızı, 5 – qırmızı, 6 – penalti.

İLKİN SULTANLI