Millimizin daha iki boksçusu Bosniya və Hersoqovinanın paytaxtı Sarayevoda keçirilən yeniyetmələr arasında Avropa birinciliyində ən azı bürünc medalı təmin edib.

"Football-plus.az" xəbər verir ki, yarışın dördüncü günündə Aylin Nəzərova (48 kq) 1/4 finalda Atina Papanikolopu (Yunanıstan) ilə qarşılaşıb.

Döyüş boksçumuzun 5:0 (30:27, 29:28, 30:27, 30:27, 30:27) hesablı qələbəsi ilə başa çatıb. O, yarımfinalda italiyalı Corciya La Rosa ilə üz-üzə gələcək.

Əminə Tağı (52 kq) da 1/4 final mərhələsini uğurla başa vurub. Milli üzvü Yuliana Tyurnikovaya (Moldova) 5:0 (30:27, 30:25, 30:27, 30:27, 30:26) hesabı ilə qalib gəlib. O, növbəti mübarizəsində rumıniyalı Mariya Semeniçiuçla qarşılaşacaq.

Hər iki boksçumuz yarımfinala yüksəlməklə özləri üçün ən azı bürünc medalı təmin edib.

Qeyd edək ki, Avropa birinciliyində yarımfinal döyüşləri sabah keçiriləcək.