2-ci Liqanın ən çox tamaşaçı toplayan oyunu 1-ci tura təsadüf edib.

“Football-plus.az” xəbər verir ki, "Şəki Siti" ilə “Dinamo” arasında görüşdə 1100 izləyici olub. “Lerik” – “Qusar” matçında 900, “Cəbrayıl” – “Füzuli” oyununda 800 seyrçi qeydə alınıb.

2-ci Liqanın 182 oyunundan 6-sı texniki nəticə ilə yekunlaşıb. Digər 176 matçı 24092 tamaşaçı izləyib. Ev oyunlarındakı orta seyrçi sayında Şəki təmsilçisi liderdir. “Ağdaş” bu göstəricidə ikincidir. İlk “üçlüy”ü “Şəmkir” qapayıb.