“Beşiktaş”dan təklif alarkən qürurlandım. Çünki “Beşiktaş” böyük klubdu və çoxlu sayda tərəfdarları var. Böyük klublar həmişə titullar üçün savaşmalıdı. Güclü, təslim olmayan və titullar üçün savaşan bir komanda yaradacağıq. Başqanımıza və rəhbərliyə məni isti qarşıladıqları üçün minnətdarlığımı bildirirəm. Çalışmaya başlamaq üçün səbirsizlənirəm. Onsuz da klubun böyüklüyündən xəbərim var idi. İlk növbədə fanatlarımızı görmək, onlarla tanış olmaq üçün səbirsizlənirəm. Mənim üçün çox böyük və məsuliyyətli bir andı. İlk gündən etibarən ən güclü şəkildə çalışmalarımız başlayacaq. Hər kəsin yardımına ehtiyacım var. Köməkçilərim arasında klubu yaxşı tanıyan məşqçilər var. Onların da mənə köməyi dəyəcək. Özümü rahat və enerjili hiss edirəm. İndi bu enerjidən düzgün şəkildə faydalanmalıyam. Ayın sonunda rəsmi şəkildə işə başlayacam. Mövsümöncəsi hazırlıq dönəmi çox mühüm əhəmiyyət daşıyır. Ona görə də hər kəsin istəkli və eyni fikirdə olması önəmlidi. Transfer çalışmalarına da, təbii ki, start vermişik. Komandaya gətirə biləcəyimiz oyunçularla bağlı araşdırmalar, danışıqlar davam edir. Əslində mənim ağzımdan komandadan ayrılacaq və yeni gələcək futbolçularla bağlı o qədər də çox söz eşitməyəcəksiz. Bu mövzuya girməyəcəm. Bu məsələni Bred Fridel və rəhbərlik ilə müzakirə edəcəm. “Reyncers”lə Avropa Liqasında finala yüksəldiyimiz mövsümdə çox yaxşı qrafik cızmışdıq. Orda məndən əvvəl çalışmış məşqçi də çox yaxşı bir komanda qoyub ayrılmışdı. Həmin heyətdə yer alanlar uzun illər bir yerdə oynamışdılar. Bu işlər çox çalışmaq və inam hissi ilə başlayır. Mən çalışdığım hər klubda futbolçulara ilk növbədə inam aşılamağa çalışıram. Onlar uğur qazana biləcəklərinə inanmalıdılar. “Beşiktaş”ı çoxdan izləyirdim. Burda işləmək arzum həyata keçdiyi üçün şadam. Komandanın ötən mövsümdəki bir çox oyununu izlədim. Çempionatda işlər qaydasında getmədi. Çünki xal fərqi çox erkən açılmağa başladı. Amma futbolçuların Türkiyə kubokuna nə dərəcədə kökləndiyini gördüm. Kuboku qazanmağımız məni ikiqat sevindirdi. Artıq bunlar hamısı geridə qalıb. Yeni bir səhifə açılır. İlk oyundan tam hazır vəziyyətdə olduğumuza əmin olmalıyıq. Həyatda insanın əlinə bir neçə dəfə meydan oxumaq fürsəti düşür. Belə şeylərə ehtiyacımız var. Hər birimiz üçün bu, tamə yeni bir meydan oxumaq fürsətidi. Ona görə də hər kəsin qürur duyacağı bir komanda yaratmalıyıq. Bunu sözdə yox, meydanda göstərəcəyik. Avropanın ən yaxşı stadionlarından birinə malikik. Elə etməliyik ki, rəqiblərin burdan xalla qayıtması çox çətin bir məsələyə çevrilsun. “Altyapı”mız güclüdü. Semih Kılıçsoy kimi futbolçunun yetişməsi bunu bir daha təsdiq edir. Ümumiyyətlə, gənc futbolçularımız bizim üçün böyük önəm daşıyır. Akademiyadakı futbolçuların əsas komandaya yüksəlmək üçün çox istəkli olduqlarını gördüm. Bu, məni həm sevindirir, həm də həyəcanlandırır. Bilirəm ki, indi siz jurnalistləri ilk növbədə transfer mövzusu maraqlandırır. Amma az öncə də dediyim kimi, bu mövzunu az aramızda müzakirə edəcəyik və bizə lazım olan futbolçuları müəyyənləşdirəcəyik. Oyun anlayışımın futbolçulara inkişaf etmək baxımından yardım edəcəyinə inanıram. Çünki komandanın ötən mövsümdəki oyunlarını izlədikdən sonra “Beşiktaş”ın necə oynamalı olması ilə bağlı beynimdə konkret fikirlər formalaşdı. Təbii ki, bu, həm də rəqibə görə dəyişəcək. Mən hədəfi olan məşqçiyəm. Bu sahəyə titullar, çempionluqlar qazanmaq üçün gəlmişəm. Futbol mentallığım məhz belədi. Ona görə də çalışmışam ki, hədəfləri olan klublarda işləyim. Hədəfsiz klubda işləməmişəm. Niderlandda 4-3-3 sistemi ilə böyümüşəm. Amma həm oynadığım, həm də baş məşqçisi olduğum klublar konkret bir sistemdən asılı olmayıb. “Beşiktaş”a da bunu aşılamağa çalışacam”.