Argentina çempionatında iyunun 1-4-ü aralığında 4-cü turun oyunları keçirildi.

“Football-plus.az” xəbər verir ki, 3-cü turda altıhakimiyyətlilik formalaşmışdısa, indi yüksək liqada 4 komanda turnir cədvəlində şərikli liderlik edir.

Hesabat turuna topların daha yaxşı fərqinə (+7) əsasən 1-ci yerdə başlayan “Rasinq” ardıcıl 3-cü qələbəsini qazandı. Yeni mövsümdə güclü hücum xətti ilə seçilən Qustavo Kostasın komandası “Deportivo Riestra” ilə ev oyununda rəqibin müdafiə xəttini yarmaqda çox çətinlik çəkdi. Nəhayət, meydana 72-ci dəqiqədə çıxan Solari final fitinə bir neçə saniyə qalmış avelyanedalıların xal itirməsinə imkan vermədi. “Rasinq” çətin qələbə ilə yenə topların daha yaxşı fərqinə (+8) əsasən 1-ci yerdə qaldı.
Son mövsümün vitse-çempionu da yeni “futbol ili”nə uğurlu başlayıb. Əvvəlki turun “Boka Xuniors” ilə qolsuz nəticələnən səfər oyununda ilk dəfə büdrəyən “Talyeres de Kordoba” bu dəfə maksimum xal qazana bildi. Kordobalılar səfərdə hələ ki liqanın ən zəif iştirakçısı olan “Sentral Kordoba”dan maksimum xal aldılar. Valter Ribonettonun çalışdırdığı komanda 4:2 hesablı qələbə ilə 2-ci yerdə və şərikli liderlərdən biri kimi qaldı.
Tura şərikli liderlər kimi başlayan digər 4 komanda fərqli nəticələr göstərdi. “Ximnasiya” səfərdə “İnstituto”ya 1:2 hesabıyla uduzdu, “Atletiko Urakan” “Barrakas Sentral”a iki cavabsız qolla qalib gəldi, şərikli liderlərdən “İndependyente Rivadaviya” ilə “Union” isə öz aralarında oynadılar və qonaq komanda minimal hesabla qalib gəldi. Nəticədə cədvələ hərəyə 10 xalla başçılıq edənlərin sayı 4-ə bərabər oldu.

3-cü turun “Arxentinos Xuniors” ilə səfər oyununda bu mövsüm ilk məğlubiyyətini (0:1) alan “River Pleyt” evdə “Tiqre”ni 3:1 hesabı ilə üstələdi. Son çempionun bütün qollarını mövsümün ilk het-trikinin müəllifi olan 31 yaşlı kolumbiyalı hücumçu Borxa vurdu. Gözlənilən qələbənin Martin Demiçelisin komandasını 7-ci yerdən 5-ə yüksəltdiyini də qeyd edək.

“Boka Xuniors” isə yavaş-yavaş cədvəlin aşağı pillələrinə doğru yuvarlanır. Ölkə nəhəngi “Platense” ilə səfər matçında daha çox kobud oyunla yadda qaldı. Müdafiəçi Roxo 36-cı dəqiqədə növbəti xəbərdarlığa görə meydandan qovuldu. Ev sahibləri say üstünlüyündən ikinci hissədə bir qol vurmaqla yararlandılar. Dieqo Martinesin başçılıq etdiyi “Boka” 12-ci yerdən 18-ə düşdü.

4-cü tur
Rasinq - Deportivo Riestra 1:0
Solari, 90+6.
İnstituto - Ximnasiya 2:1
S.Rodriges, 29. Q.Rodriges, 81 – Abaldo, 5.
Sentral Kordoba - Talyeres de Kordoba 2:4
Molina, 45+3; 74-p. – Bartisiotto, 9; 38. Portilyo, 69. Alarrasin, 78.
Barrakas Sentral - Atletiko Urakan 0:2
Pussetto, 42. Fertoli, 87.
İndependyente Rivadaviya – Union 0:1
Balboa, 63-p.
River Pleyt - Tiqre 3:1
Borxa, 13-p.; 53; 59-p. – Maroni, 45+3-p.
Platense - Boka Xuniors 1:0
Pelleqrino, 67.
Estudiantes - Qodoy Krus 1:1
S.Romero, 86 – Roqqi, 24.
Veles Sarsfild - Atletiko Tukuman 1:1
Akino, 62 – Koronel, 31.
Belqrano - Arxentinos Xuniors 1:0
Eredia, 66.
Rosario Sentral - Lanus 1:1
Ruben, 90+4 - Penya, 23.
San Lorenso – Sarmyento 0:1
Manuel Qarsiya, 70.
Defensa y Xustisiya – İndependyente 0:0
Banfild - Nyuellz Old Boyz 2:0
M.Ximenes, 89-p.; 90+1.

1. Rasinq 4 3 1 0 12-4 10
2. Talyeres de Kordoba 4 3 1 0 9-3 10
3. Atletiko Urakan 4 3 1 0 7-2 10
4. Union 4 3 1 0 5-1 10
5. River Pleyt 4 3 0 1 9-2 9
6. Ximnasiya 4 2 1 1 8-4 7
7. Estudiantes 4 2 1 1 5-3 7
8. İndependyente Rivadaviya 4 2 1 1 3-1 7
9. İnstituto 4 2 1 1 5-4 7
10. Belqrano 4 2 1 1 7-8 7
11. Nyuellz Old Boyz 4 2 0 2 3-3 6
12. Arxentinos Xuniors 4 2 0 2 4-6 6
13. Rosario Sentral 4 1 2 1 6-5 5
14. Lanus 4 1 2 1 4-5 5
15. Veles Sarsfild 4 1 2 1 4-5 5
16. Atletiko Tukuman 4 1 2 1 3-4 5
17. Platense 4 1 2 1 2-3 5
18. Boka Xuniors 4 1 1 2 4-4 4
19. Sarmyento 4 1 1 2 3-4 4
20. Banfild 4 1 1 2 3-5 4
21. Barrakas Sentral 4 1 1 2 2-5 4
22. İndependyente 4 0 3 1 2-4 3
23. Deportivo Riestra 4 1 0 3 1-5 3
24. Qodoy Krus 3 0 2 1 1-2 2
25. Defensa y Xustisiya 4 0 2 2 2-5 2
26. San Lorenso 3 0 1 2 1-3 1
27. Tiqre 4 0 1 3 2-9 1
28. Sentral Kordoba 4 0 0 4 5-13 0
Bombardirlər: Pussetto (Atletiko Urakan), S.Rodriges (İnstituto) – 4.